Pandemııa bastalǵaly beri qala boıynsha aýyrǵandar sany – 3 170 adam, osynyń 1 102-si – jyl basynan beri anyqtalǵandar. Qalada táýligine orta eseppen 250-300 synama júrgiziledi. Synama qorytyndysyna jasalǵan zertteý sáýir aıynda COVID-19 indetimen syrqattanýshylyq kórsetkishi qańtardan – 3,8, aqpan aıyndaǵy kórsetkishten – 3,7, al naýryz aıyndaǵy deńgeıden 4,9 ese asqanyn kórsetti. Jalpy, aýyrǵandar arasynda eresekter kóp – 81 paıyz. Balalar úlesi – 19, al jasóspirimder 1,9% bolyp tur.
– Vırýs juqtyrǵandar kóbeıýiniń negizgi sebebi turǵyndardyń karantındik sharalardy saqtamaýy. Qaladaǵy 12 egý kabınetinde vaksınalaý jalǵasýda. Sondaı-aq jyljymaly egý pýnktteri de jumys istep tur. Alda iri saýda-oıyn ortalyqtary men saýda úılerinde ekpe oryndaryn ashý josparda tur. Qazir bul baǵytta daıyndyq jumystary júrgizilýde. Ondaǵy sanıtarlyq-epıdemııalyq talaptar da medısınalyq uıymdaǵydaı qatań saqtalatyn bolady. Qala boıynsha 1 aqpannan bastap 15 174 adam egýdiń birinshi komponentimen, 5 002 turǵyn ekinshi komponentpen qamtylyp otyr, – dedi Qyzylorda qalasynyń bas memlekettik sanıtarlyq dárigeri Erlan Uzaqbaev. – Jyl basynan beri shekteý talaptarynyń saqtalýyna jasalǵan tekserý barysynda 62 aıyppul salyndy. 52 nysan jospardan tys tekserilip, uıǵarym berildi.
Dál qazir 12 shuǵyl habarlama boıynsha tıisti tekserý taǵaıyndaldy. Jalpy, jyl basynan beri karantındik rejim talaptaryn buzǵandarǵa Ákimshilik quqyq buzýshylyq týraly kodekstiń 425-babynyń 1-bóligimen 5 332 260 teńge aıyppul salynyp otyr.
QYZYLORDA
