«Barynsha saqtanyp júrgenime qaramastan, sońǵy synama nátıjesinde koronavırýs indetin juqtyrǵanym anyqtalyp otyr. Biraq boıymda aýrýdyń eshqandaı belgileri joq. Áıtse de oqshaýlanyp, mamandardyń barlyq talaptaryn qatań saqtaýdamyn. Soǵan baılanysty jumysty da qashyqtan jalǵastyramyn», dep jazdy M. Áshimbaev Facebook-te.
Senat spıkeri atap ótkendeı, pandemııanyń ekpini áli báseńdegen joq.
«Sondyqtan arqany keńge salyp, saqtyq sharalaryna beıjaı qaraýǵa bolmaıdy. Bul, eń aldymen, ózimiz jáne týǵan-týystarymyz úshin asa mańyzdy. Endeshe indettiń aldyn alýǵa basa mán bereıik», dedi ol.
