Urlyqtyń bári syrttan kelgender emes, sol kásiporyndardyń ózinde jumys isteıtinderdiń qolynan kelgeni belgili bolyp otyr. Syrttan kelgen ury mashınada salýly turǵan akkýmýlıator, avtoshına sııaqty zattardy burandadan sheship ákete almaıdy. О́ıtkeni birden kózge túsedi. Al sol jerde jumys isteıtinder jumys istep jatqan bolyp ta urlyq jasaı alady. Sondaı urlyqtyń biri boıynsha aryz túsirgen JShS-nyń óndiris basshysy, ózderinde júrgizýshi bolyp isteıtin 34 jastaǵy jigittiń «KamAZ» júk kóliginen 40 myń teńge turatyn eki radıatordy urlap jatqan jerinde ustalǵanyn aıtqan. Qazir osy jáne basqa da urlyqtar Qylmystyq kodekstiń «Urlyq» baby boıynsha Sotqa deıingi tergep-tekserýlerdiń biryńǵaı tizilimine engizildi.
О́z kásipornynan urlyq jasaý adamdardyń sanasynda keńestik dáýirden qalǵan jaman qylyqtardyń biri. Ol kezdegi dúnıeniń bári ókimettiki dep sanalatyn, al ókimet naqty ıe emes, jalpy ıe bolǵandyqtan «qaǵyp ketken» dúnıe esepten ońaı shyǵarylyp, ornyna basqasy qoıylatyn. Al qazir barlyq dúnıeniń ıesi bar, qojaıyn óziniń árbir múlki úshin jany shyryldap júredi. Sondyqtan da urlyq jasaǵandardy ońaı ustaıdy.
PETROPAVL
