Ortalyq 2021 jyly Semeı synaq polıgony jerleriniń radıoaktıvti lastanýyn tekserýdi aıaqtaýdy josparlap otyr. Mamandar sýdyń, aýanyń, ósimdikter men janýarlar áleminiń jaǵdaıyn zerttedi. Zertteýdiń keıbir ádisterin QR Ulttyq ıadrolyq ortalyǵy ázirlegen. Búgingi tańda polıgon aýmaǵynyń 90%-ǵa jýyǵy tekserildi.
Qorshaǵan orta jaǵdaıynyń monıtorıngi qorshaǵan orta men halyqtyń qaýipsizdigine áser etetin radıasııalyq jaǵdaıdyń teris ózgeristerin ýaqytynda anyqtaýǵa múmkindik beredi.
Polıgon aýmaǵyndaǵy jáne odan tys jerlerdegi aýa jáne sý ortasyn zertteý úshin arnaıy zerthanalarda odan ári taldaý úshin synama alý júrgiziletin monıtorıng pýnktteri quryldy. Qazirgi ýaqytta 4 aýa ortasyn baqylaý pýnkti jáne 8 sý ortasyn baqylaý pýnkti bar. Barlyǵy 22 monıtorıng pýnktin qurý josparlanyp jatyr.
Júrgizilgen monıtorıng nátıjeleri aýadaǵy radıoaktıvti elementterdiń eń kóp mólsheri tikeleı ıadrolyq synaqtar júrgiziletin jerden tabylǵanyn kórsetti. Bul rette polıgonnyń lastanǵan ýchaskelerinen tys «uzaq ómir súretin» radıoaktıvti elementter (amerıı, sezıı nemese stronsıı) tabylǵan joq.
Nátıjesinde, monıtorıng jalpy polıgonda jáne odan tys jerlerde aýa jáne sý ortasynyń aǵymdaǵy radıasııalyq jaı-kúıi turaqty jáne halyq úshin qaýip tóndirmeıtinin kórsetti. Iаdrolyq synaqtar júrgizilgen alańdarynyń radıoaktıvti lastanǵan ýchaskeleri buǵan jatpaıdy.
Bıyl Semeı synaq polıgonynyń jabylýyna 30 jyl tolady.
