Kezdesýge Mádenıet jáne sport mınıstriniń keńesshisi Erlan Jurynbaev, Arhıv isi jáne qujattama departamentiniń dırektory Baǵdat Tansybekov, Ulttyq arhıv dırektory Saǵıla Nurlanova, Ulttyq ortalyq dırektory Málik Otarbaev bastaǵan ujym qatysty.
– Ulttyq ortalyqtyń da, muraǵattyń da jumysy kúrdeli. Biz memleket tarapynan ǵımarattardy úlkeıtip, kitaptar saqtaıtyn qordy ulǵaıtý baǵytynda jumys istep jatyrmyz, - dep bastaǵan áńgimesin Aqtoty Rahmetollaqyzy: «О́zderińiz de bilesizder, 20 jyl boıy mádenıet pen muraǵat salasy mamandarynyń jalaqysy óspegen edi. 2020 jyly jalaqyny 50 paıyzǵa ósirdik. Bıyl da bul baǵytta jumys istep jatyrmyz. Biz qazir «Qazaqstan ıpotekalyq kompanııasy» ókilderimen keńesip, mádenıet salasy mamandarynyń jalaqysyna oraı nesıelik jobalarǵa qatysý máselesin qarastyryp jatyrmyz. Olar osy salalar úshin paıyzdyq mólsherlemelerin tómendetse deımiz. Bıyldan bastap Nur-Sultan, Almaty, Pavlodar, Qaraǵandy, Aqtóbe sııaqty qalalarda osy baǵdarlamanyń keńinen júzege asýyna atsalysyp kelemiz. Jastar ulttyq ortalyq, muraǵat, kitaphanalarǵa kelsin degen nıetten týǵan bastamalar bul» , - dedi.
2017 jyly qurylǵan Qoljazbalar jáne sırek kitaptar Ulttyq ortalyǵynda 11000 astam kitap qory saqtalǵan.
О́z kezeginde ortalyq dırektory Málik Otarbaev mınıstrge alǵys bildire otyryp, restavrasııalyq zerthananyń mańyzyna erekshe toqtaldy. Bir aıta keterligi, astanada mundaı zerthana tek Ulttyq ortalyqta ǵana bar. Munda mamandar sırek jáne kóne kitaptardy qaıta qalpyna keltirip, qorǵa tabystaıdy.
Restavrator maman Syrym Botabekov mınıstrge óz jumysyn tanystyrýmen qatar, salada qordalanǵan máselelerdi azdy-kemdi aıtyp ótti. Bul tusta bıyl bıýdjetten tórt zerthanany qoldap, qural-jabdyqtarmen qamtý jumystary ary qaraı da jalǵasatyny belgili boldy.
Ulttyq ortalyq dırektory Málik Nurjanuly: – Kitaptar qory kún ótken saıyn tolyǵyp jatyr. Bul qýantarlyq jáıt. Elorda turǵyndary kórme zalyn kórýge arnaıy keledi. Oqý zalynda jalpy qordaǵy kitaptardyń 60 paıyzy saqtalǵan. Kúnine keminde 10 adam, jas ǵalymdar men oqyrmandar kelip, qajetti málimetin alyp, zertteý jumystaryn júrgize beredi, - dedi.
Kezdesý sońynda Mádenıet jáne sport mınıstri Aqtoty Raıymqulova Ulttyq ortalyq qyzmetkerlerine tabys tileı otyryp, arnaıy kitapqa izgi tilegin jazyp, qoltańbasyn qaldyrdy. Málik Nurjanuly mınıstrge túrik aqyny Iýnýs Emreniń qazaq tiline aýdarǵan jyr jınaǵyn syıǵa tartty.
