«27 sáýir kúni 5958 almatylyq vaksına saldyrdy, onyń ishinde 1700 adam «QazVac» vaksınasyn aldy», dep habarlady qalalyq Qoǵamdyq densaýlyq saqtaý basqarmasynyń baspasóz qyzmetinen.
Bıylǵy jyldyń 1 aqpany men 27 sáýiri aralyǵynda barlyǵy 194 106 adamǵa ekpe salyndy.
«Spýtnık-V» vaksınasynyń 2 komponentin 39 041 adam alǵan. Búginde qalada 210 pýnkt jumys istep tur. 1 197 adamnan turatyn 308 egý brıgadasy bar. Sonymen qatar 50 kóshpeli mobıldi brıgada uıymdastyryldy. 27 sáýir kúni qalaǵa «Spýtnık-V» vaksınasynyń 57 895 dozasy jetkizildi.
