Jelide taraǵan aqparat boıynsha, túrli klınıkalardyń atynan koronavırýsqa qarsy vaksına salynǵany týraly elektrondy pasport áperemin deıtin deldaldar kóbeıgen. Olar ekpeniń eki komponenti úshin 15 myń teńge suraıdy. Keıbiri klınıkanyń qyzmetine qaraı 5-25 myńnyń aralyǵynda da satatyn kórinedi.
«Mundaı is-árekettiń qylmystyq sıpatta ekendigin jáne qylmystyq jaýapkershilikke tartylatyndyǵyn resmı túrde habarlaımyz. Osy fakt jarııalanǵan sátten bastap arnaıy qyzmettik tergeý bastaldy. Qazirgi ýaqytta vaksınasııadan ótý týraly elektrondy pasport berý faktisi rastalmady. Tergeý nátıjeleri bul aqparatty rastasa, Qazaqstan Respýblıkasynyń zańnamasyna sáıkes sharalar qoldaný úshin quqyq qorǵaý organdaryna beriledi», delingen qoǵamdyq densaýlyq saqtaý basqarmasynyń habarlamasynda.
