«Qoǵamdyq keńistikterdi (saıabaqtar, skverler, býlvarlar), aýla aýmaqtaryn abattandyrý jumystaryn elorda ákimi Altaı Kólginovtiń tapsyrmasy boıynsha júrgizýdemiz. О́tken jyly elordada alǵash ret kópirler astyndaǵy oryndar abattandyryldy. Bul oryndar jurtshylyqty birden ózine baýrap aldy. Mine, bıyl bul jobamyzdy keńeıtý týraly sheshim qabyldandy. Endi taǵy bir kópirdiń astynda serýendeýge arnalǵan oryn ashylady. Osylaısha, bir kezderi bos jatqan aýmaq taǵy bir qoǵamdyq orynǵa aınalady», dedi Nurlan Uranhaev.
Esterińizge sala keteıik, ótken jyly qalada eki kópir asty keńistigi ashylǵan bolatyn. Olardyń biri – Saraıshyq kópiriniń astynda. Bul aýmaq túrli sportqa bólinip, kóshe trenajerleri, átkenshekter, workout aımaǵy jáne t.b. ornatyldy.
Ekinshisi – L.N. Gýmılev atyndaǵy EUÝ janyndaǵy kópirdiń astynda ornalasqan. Onda strıtbol alańy, ústel tennısine arnalǵan aýmaq jáne workout-aımaq ornalasqan. Sondaı-aq jastardyń ótinishi boıynsha skeıt-aımaq ashyldy.
Jańa qoǵamdyq keńistikti ashýdyń negizgi ıdeıasy – sportpen aınalysý úshin qolaıly atmosfera qurý. Basymdyq – buqaralyq sportty damytý.
Bul kópirdiń asty tanymal otandyq jáne sheteldik sportshylardyń sýretterimen bezendirilgen. Mysaly, basketbolshy Áljan Jarmuhamedov, kásibı tennısshi Zarına Dııas, qazaqstandyq boksshy Gennadıı Golovkın, basketbolshylar Djeıms Lebron, Kobı Braıant jáne t.b.
Memleket basshysy óz Joldaýynda buqaralyq sportqa, dene shynyqtyrýǵa jáne balalarǵa basymdyq berý kerektigin atap ótti. Altaı Kólginovtiń tapsyrmasy boıynsha «Nur-Sultan – jaıly qala» master-josparynyń tujyrymdamasy aıasynda aýlalar men qoǵamdyq keńistikter abattandyrylýda. Munda basymdyqtardyń biri serýendeý jáne sportpen shuǵyldanýǵa bólinedi. Elordanyń barlyq aýdandarynda jumystar júrgizilýde.
