Ekoapta sheńberindegi is-sharalarǵa 1-11 synyp oqýshylary, pedagogtar, oqýshylardyń ata-analary qatysady. Olar úshin ekologııalyq taqyrypta onlaın-konkýrstar uıymdastyryldy.
27 sáýir kúni 1-2 synyp oqýshylary arasynda «bizdiń úıdiń janýarlary» úzdik sýret baıqaýy ótkizildi. 3-4 synyp oqýshylary «men tabıǵatty aıalaımyn» atty áleýmettik eko-plakattar, «ólkemizdiń tabıǵatyna qamqorlyq», «bul álem qandaı keremet» atty fotokonkýrs daıyndady.
Búgin 1-11 synyp oqýshylary óńdelgen qaldyq materıaldarynan jasalǵan buıymdar baıqaýyna, «sary túske laqtyr» aksııasyna qatysty.
Erteń volonterlerdiń basshylyǵymen mektepterde «Meniń qalamnyń bolashaǵy» jobalar baıqaýy, «Eco-Qolday-eriktilik: nátıjeler, bastamalar, bolashaq josparlar» qalalyq semınary ótedi.
Ekologııalyq apta ata-analardyń qatysýymen jáne jeńimpazdardy marapattaýmen, mektep pen úıdiń aýmaǵyn tazalaýmen aıaqtalady.
Aıta ketý kerek, is-sharalardyń bári sanıtarlyq normalardy qatań saqtaı otyryp ótkiziledi.
