Áýe esebin «Ohotzooprom» RMQK qyzmetkerleri, Orman sharýashylyǵy jáne janýarlar dúnıesi komıtetiniń oblystyq aýmaqtyq ınspeksııasy jáne Qazaqstandaǵy bıoalýantúrlilikti saqtaý qaýymdastyǵynyń ǵylymı mamandary birlesip júrgizýde.
Qazirgi tańda elimizde «Ohotzooprom» ınspektorlarynyń eki esep toby jumys isteýde. Olardyń birinshisi – Betpaqdala popýlıasııasyna, ekinshisi Oral jáne Ústirt popýlıasııalaryna esep júrgizýde. Esepke tikushaqpen 200-ge jýyq ushý saǵaty qarastyrylǵan.
2019 jyly júrgizilgen esepke alý jumystaryna sáıkes Qazaqstandaǵy kıikterdiń sany 334 400 basty qurady.
Osy kezeńde aqbókenderdiń áýe esebi Batys Qazaqstan, Aqtóbe jáne Mańǵystaý oblystarynda (Oral jáne Ústirt taralymy) aıaqtaldy jáne Betpaqdala popýlıasııasyn esepke alý boıynsha Qaraǵandy, Aqmola oblystarynyń aýmaqtarynda jalǵasýda.
Kıikterdiń áýe esebin 2021 jyldyń 5 mamyryna deıin aıaqtaý josparlanýda.
