Qazaqstan halqy Assambleıasy (QHA) – elimizdiń ishki saıasatynda mańyzdy ról atqaryp otyrǵan, etnosaralyq daýlar men janjaldardyń aldyn alý salasyndaǵy bedeldi ınstıtýt ekeni anyq.
Sessııa aıasynda etnosaralyq medıasııaǵa erekshe kóńil bólingeni qýantady. Yntymaqtastyq taqyryby jyl saıyn QHA sessııasynda keńinen talqylanatyny belgili. Qazirgi ýaqytta respýblıkada QHA janyndaǵy eki myńǵa jýyq Qoǵamdyq kelisim keńesi jumys isteıdi. Olar azamattyq qoǵam ınstıtýttary men bıliktiń ózara is-qımylyn qamtamasyz ete otyryp, memlekettik organdardyń jergilikti jerlerde áleýmettik-ekonomıkalyq damý jónindegi is-sharalardy iske asyrýyna qoǵamdyq baqylaýdy júzege asyrady, sondaı-aq halyqtyń problemalaryna monıtorıng júrgizedi.
Qazaqstan – kóptegen etnos pen konfessııanyń ortaq úıi. Elimizde 471 etnomádenı birlestik, 19 respýblıkalyq jáne óńirlik ulttyq gazet, radıo jáne telebaǵdarlama, 6 ulttyq teatr, 100-den astam etnostyq mektep jáne 170 tildik ortalyq jumys isteıdi. Ulttyq jańǵyrý mektepterinde 11 tildi oqytý boıynsha 29 bólim jumys isteıdi. 4 myńnan astam dinı birlestik, 46 konfessııa men 3 myńnan astam ǵıbadat úıi jumys isteıdi.
Biz – kópetnosty eldiń birtutas halqymyz. Sondaı-aq bizdiń bar kúsh-jigerimiz kez kelgen qaýip-qater men qyr kórsetýlerdi eńserýge qabiletti ári uıymshyl Qazaqstan halqyn qalyptastyrýǵa baǵyttalǵan. Dál osy maqsat pen odan týyndaıtyn mindetter ár kezeńde jańa deńgeıge shyǵa otyryp, turaqty damý ústindegi Qazaqstan halqy Assambleıasynyń qyzmetinde árqashan basym mańyzǵa ıe. Qasıetti qazaq jeriniń aspany árdaıym ashyq bolyp, memleketimizdiń ekonomıkasy men mádenıeti qaryshtap damı bersin degen tilektemiz.
Sherzod PÝLATOV,
Nur-Sultan qalasy ózbek etnomádenı birlestiginiń tóraǵasy, QHA Ǵylymı-sarapshylyq keńesiniń múshesi
