Al Elbasy Nursultan Nazarbaev Qazaqstan elordasy elimizdiń túkpir-túkpirinen jáne álemnen adamdar úshin tartylys núktesi bolýyn jáne Qazaqstan halqynyń jyl saıyn ósýin armandaǵan eken. Men de osy baǵyttaǵy úrdisten tys qalmaı, ózimniń «shaǵyn assambleıamdy» qurdym.
Grýzın etnosynyń ókili bolyp sanalatyn ózimniń ómirlik serigimdi jeti jyl buryn Kıev áýejaıynda kezdestirgen edim. Kóp keshiktirmeı, ony Qazaqstanǵa alyp keldim. Sol sátke deıin ol Qazaqstan jaıynda kóp bile bermeıtin. Al qazir bizdiń úsh balamyz bar. Nıno Qazaqstandy birden unatty, qazaqtyń ulttyq taǵamdaryn jaqsy kóredi.
2012 jyly Elbasy etnomádenı birlestikterdiń Qazaqstanǵa ınvestısııa tartýy kerek ekenin tapsyrǵan bolatyn. Al qazirgi tańda Qazaqstan nemisteri 20-dan astam ınnovasııalyq tehnologııany alyp kelip, olar aýyl sharýashylyǵynda, qus ósirýde, et pen sút óńdeýde tabysty iske asyrylyp jatyr.
Elbasy únemi etnomádenı birlestikter elder arasyndaǵy dostyqtyń kópiri bolýy kerektigin aıtyp keledi. Ol úshin jaqyn arada jańadan Qazaq-nemis ortalyǵy ashylady.
Assambleıa – memlekettiń senimdi tiregi, al Qazaqstan nemisteri elimizdiń naǵyz patrıottary ekenin senimmen aıta alamyn. О́ıtkeni Otany birdiń – júregi bir, júregi birdiń – tilegi bir!
Evgenıı BOLGERT,
Qazaqstan nemisteri «Vozrojdenıe» birlestiginiń qamqorshylyq keńesi tóraǵasynyń orynbasary
