Komıssııa otyrysynyń jumysyna Qazaqstan Respýblıkasy bıliginiń zań shyǵarýshy, atqarýshy jáne sot tarmaqtary organdarynyń ókilderi, halyqaralyq jáne úkimettik emes uıymdardyń, advokatýranyń, jurtshylyq pen BAQ ókilderi qatysty.
Kásipodaqtar federasııasynyń tóraǵasy, komıssııa múshesi Satybaldy Dáýletalın jumyskerlerdiń eńbek jáne áleýmettik quqyqtarynyń qorǵalýy jóninde baıandama jasady.
Komıssııa músheleri Qazaqstan Respýblıkasynyń zańdarymen jáne halyqaralyq mindettemelerimen kepildik berilgen azamattar men ózge de adamdardyń eńbek, áleýmettik-ekonomıkalyq quqyqtaryn qamtamasyz etý memlekettiń basym mindetteriniń biri retinde belgilengenin, al azamattardyń áleýmettik qorǵalý dárejesi – kez kelgen órkenıetti qoǵamnyń, memlekettik saıasattyń áleýmettik baǵytynyń basty ındıkatory ekenin sóz etti.
Sóz sóıleýshiler halyqtyń, onyń ishinde barlyq sanattaǵy jumyskerlerdiń quqyqtyq saýattylyq deńgeıin arttyrý áleýmettik jańǵyrtýdyń memlekettik baǵdarlamalaryn tabysty iske asyrýdyń qajetti jáne mindetti sharty dep atap ótti.
Kásiptik odaqtar azamattyq qoǵamnyń mańyzdy bóligi ekeni erekshe atap ótilip, azamattardyń eńbek, áleýmettik-ekonomıkalyq quqyǵyn qamtamasyz etýde, eńbek qatynastaryn ádil retteý boıynsha eleýli eńbek atqarýǵa tıis ekendigi eske salyndy.
Talqylaýǵa qatysqan sarapshylar bul saladaǵy problemalar men mindetter tek vedomstvolyq qana emes, sonymen birge azamattyq qoǵamnyń barlyq ınstıtýtynyń belsendi qatysýymen bıliktiń barlyq tarmaqtarynyń kúsh-jigeri, tyǵyz ózara is-qımyly qajet bolatyn qoǵamdyq, memlekettik sıpatta ekenin jetkizdi.
Qoldanystaǵy eńbek zańnamasy jumys berýshiler úshin de, jumyskerler úshin de keń qyzmet salasyn ashty, óıtkeni ujymdyq kelisim-shart prosesi eńbek qatynastarynyń negizine aınalýda.
Prokýratýra organdary men memlekettik eńbek ınspektorlaryna jumys berýshilerdiń, eń aldymen ekonomıkanyń taý-ken metallýrgııa jáne munaı-gaz salalaryndaǵy kásiporyndardyń, qurylys uıymdarynyń eńbekti qorǵaý jónindegi standarttardyń, erejeler men normalardyń talaptaryn saqtaýyna baqylaýdy kúsheıtý usynyldy.
Bul rette komıssııa músheleri kásipodaq uıymdarynyń Qazaqstan Respýblıkasy eńbek zańnamasynyń saqtalýyn qoǵamdyq baqylaý salasyndaǵy qyzmetin keńeıtý týraly máseleni qaraýdy usyndy.
Budan basqa komıssııa otyrysynda sottalǵandardyń jáne tergeýdegi-qamaýdaǵy adamdardyń qaýqarsyz sanattarynyń konstıtýsııalyq quqyqtaryn qamtamasyz etýdiń ózekti máseleleri talqylandy.
Komıssııanyń otyrysynda ázirlengen usynymdar Memleket basshysynyń, Qazaqstan Respýblıkasy Parlamentiniń jáne Úkimetiniń nazaryna jetkiziletin bolady.
