Pandemııa jaǵdaıyna qaramastan úshinshi megapolıste aǵza almastyrý otasy qarqyndy damýda.
Bul týraly Shymkent qalasynyń densaýlyq saqtaý basqarmasynyń basshysy Baqytjan Pozılov baspasóz brıfınginde málimdedi.
Basqarma basshysynyń aıtýynsha, Shymkent birinshi transplantasııa ortalyǵyna aınalmaq.
– Shymkent qalasyndaǵy №1 qalalyq klınıkalyq aýrýhanasynda ótkizilgen transplantasııa hırýrgııalyq tájirıbede únemi qoldanylyp keledi. Sondaı-aq, osy jyly sheteldik áriptesterimizben birge týystyq baýyr transplantasııasy boıynsha 2 master-klass ótkizdik. Sońǵy jyldary elimizde transplantologııa damı bastady. О́zderiniń jaqyndaryna donor bolǵan sátti otalar osyny dáleldeıdi. Bolashaqta Shymkent transplantasııa ortalyǵyna aınalady, – dedi B.Pozılov.
Aıta keteıik, Shymkent qalasyndaǵy №1 qalalyq klınıkalyq aýrýhanasynda 2016 jyldan beri aǵza almastyrý otasy jasalyp keledi. Búginge deıin qalada 166 búırek jáne 24 baýyr almastyrý otasy jasalǵan.
