«Bulandy aýdanynyń órt sóndirýshi-qutqarýshylaryna búgin saǵat 17:34-te Makınsk qus fabrıkasynyń №7 ǵımaratynda órt bolǵandyǵy týraly habar tústi. О́rt sóndirýshilerdiń jedel is-qımyldarynyń arqasynda 800 sharshy metr aýmaqtaǵy tilsiz jaý 43 mınýtta aýyzdyqtaldy, jalynnyń kórshiles ǵımarattarǵa taralýyna jol berilmedi» delingen vedomstvo taratqan habarlamada.
Aıta keteıik, órt kezinde ǵımarat bos bolyp, qustar zardap shekpegen. №7 ǵımarattyń jalpy aýdany 1930 sharshy metrdi quraıdy, zardap shekkender men jaraqat alǵandar joq.
Málimetke súıensek, órt 18:04-te oqshaýlanyp, 18:18-de sóndirildi. Oqıǵa ornynda 10 órt sóndirýshi-qutqarýshy, Makınsk qus fabrıkasynyń 7 jáne memlekettik emes órtke qarsy qyzmetiniń 3 qyzmetkeri jumys istedi.
О́rttiń sebebi anyqtalyp jatyr.
