Naqtyraq aıtsaq, A.Orynbektiń jazbasynda S.Jolmanovanyń kabınetinen 4500 dollar, úıin tintý kezinde 2 800 000 dollar, jeke kóliginen 600 000 dollar tabylǵany aıtylady. Sondaı-aq Medeý aýdandyq sotynyń sýdıasy qurylys salýshydan 1 180 000 dollar kóleminde para alǵany týraly aqparat ta osy jazbada kórsetilgen.
Alaıda Almaty qalalyq soty bul málimetti teriske shyǵaryp otyr. «Qyzmettik kabınetten 10 000 AQSh dollary alynǵanyn, al sýdıanyń úıinen eshteńe alynbaǵanyn habarlaımyz. Sýdıanyń ókilettigi Joǵarǵy sot Tóraǵasynyń ókimimen toqtatyldy», delinedi qalalyq sottyń baspasóz hatshysy bergen málimette. Sondaı-aq qalalyq sot jalǵan aqparat taratýmen aınalysatyn adamdardy qylmystyq jaýapkershilikke tartý úshin Almaty qalasynyń prokýratýrasyna júginipti.
О́kilettiligi toqtatylǵan sýdıa múddeli tulǵalardyń paıdasyna sot sheshimderin shyǵarýǵa járdem kórsetip, alaıaqtyq áreketter jasady degen kúdikke iligip otyr. Osy kúnge deıin Almaty qalalyq sotynyń ishki qaýipsizdik bólimi men Almaty qalasy boıynsha UQK departamenti Almaty qalasy Medeý aýdandyq sotynyń sýdıasyna qatysty birlesken tekserý júrgizgen. Nátıjesinde, UQKD QR QK 190-BB.4-b. 2-t. boıynsha sotqa deıingi tergep-tekserýdi bastady. Bas prokýror sotqa deıingi tergeýdi jalǵastyrýǵa kelisim berip otyr. «Tintý is-sharalary kezinde sýdıadan qomaqty aqsha somasy tabylyp, tárkilendi. О́zge aqparat tergeý múddesinde jarııa etýge jatpaıdy», delinedi Almaty qalalyq sotynyń baspasóz qyzmeti usynǵan aqparatta.
