Taraptar saýda-ekonomıka, kólik-logıstıka, energetıka, geologııa salalaryndaǵy, sondaı-aq ónerkásiptik kooperasııa, AО́K, transshekaralyq ózenderdiń sý resýrstaryn utymdy paıdalaný jáne qorǵaý salalaryndaǵy ekijaqty yntymaqtastyqty odan ári damytý máselelerin talqylady. Eýrazııalyq ekonomıkalyq odaq formatyndaǵy ózara is-qımyldyń ózekti máseleleri qaraldy.
COVID-19 taralýyna qarsy kúres jáne eki eldiń ekonomıkalary úshin pandemııanyń saldaryn joıý jónindegi birlesken sharalarǵa erekshe nazar aýdaryldy.
Kelissózder qorytyndysy boıynsha eki eldiń Úkimet basshylarynyń qatysýymen birqatar qujatqa qol qoıyldy. Atap aıtqanda, Qazaqstan men Reseı úkimetteri arasyndaǵy 2021-2025 jyldarǵa arnalǵan ekonomıkalyq yntymaqtastyqtyń keshendi baǵdarlamasy; «Qazgeologııa» AQ men «Rosgeologııa» AQ arasyndaǵy Qazaqstan men Reseı jáne shet memleketterdiń aýmaqtaryndaǵy paıdaly qazbalar ken oryndaryn geologııalyq zertteý salasyndaǵy yntymaqtastyq týraly kelisim; Qazaqstan aýmaǵynda kómirsýtegi ken oryndaryn ıgerý jáne geologııalyq barlaý boıynsha birlesken qyzmet salasyndaǵy jobalardy iske asyrý nıeti týraly kelisim; «Qazaqstanda býtadıen jáne týyndy ónimder óndirisi» jobasyn iske asyrýdyń jol kartasy; «Býtadıen» jobasyn basqarý máseleleri jónindegi shekti shart; «KIDF Management company» Ltd, Reseı tikeleı ınvestısııalar qory (RTIQ) jáne «Mubadala Investment Company» arasyndaǵy ózara túsinistik týraly memorandým; qatty paıdaly qazbalar boıynsha ıýnıorlyq kompanııalardyń Eýrazııalyq bırjasyn qurý týraly memorandým.
Qazaqstan Premer-Mınıstri A.Mamın Qazan qalasyna jumys sapary aıasynda Eýrazııalyq úkimetaralyq keńes otyrysyna qatysty.
