Prezıdent bolyp saılanǵanyna 100 kún tolý qarsanynda Djo Baıden jalpy somasy 4 mlrd AQSh dollary bolatyn jospar usyndy. Sarapshylar mundaı kólemdi ári qomaqty qarjy talap etetin jospar 1960-jyldardan beri bolmaǵanyn aıtady.
Baıdenniń ózi muny «Amerıka urpaǵyna jumsalatyn ınvestısııa» dep atady. Degenmen, bul zańdy kúshine enbes buryn Kongreste qyzý talqylanbaq. О́ıtkeni palatadaǵy respýblıkashylar salyqtyń ósýi men memlekettik shyǵyndy kóbeıtý máselesin qoldaýy ekitalaı.
Sonymen, Djo Baıdenniń usynysy qandaı? Prezıdent óz sózinde «Amerıka úshin kúsh biriktiretin jáne eldegi 1 paıyzdardyń óz tabysyn jasyrmaı, ortaǵa salatyn kezi keldi», dedi. Jańa jospar qoǵamdyq kólikke de ınvestısııa tartýdy qarastyrady. Osylaısha úlken avtojoldar men kópirlerdi jaqsartý qarastyrylmaq.
Baıden odan ári jahandyq klımat máselesiniń de nazardan tys qalmaǵanyn aıtty. Ol toqpen júretin kólikter shyǵarýda AQSh-tyń nege kenje qalǵanyn túsinbeıtinin bildirdi.
AQSh otbasy josparyna 1,8 trln dollar jumsamaq. Onyń sheńberinde 3 pen 4 jas aralyǵyndaǵy balalardyń oqýyn tegin etý, otbasy músheleriniń tólenetin densaýlyq demalysyn alýdy qamtamasyz etý, kolledjge túserde tóleıtin tólemdi alyp tastaý, pandemııa kezinde salyqtan bosatý kózdelip otyr.
