Hakim Abaı atamyzdyń elimizdiń bolashaǵyna alańdaýy da jaıdan-jaı emes. Qazaq eliniń ǵylym men ónerde basqalardan qalyp qoımaýy úshin jastardy eńbekke, ǵylym izdep, mal taýyp, adam bolýǵa shaqyrǵanyn shyǵarmalarynan baıqaýǵa bolady.
Abaı óz qoǵamynyń kem-ketikterin óziniń qarasózderi arqyly jetkizýge tyrysqan. Bir mysal berip óter bolsaq, Altynshy qarasózinde: «Qazaqtyń bir maqaly «О́ner aldy – birlik, yrys aldy – tirlik» deıdi. Birlik qandaı elde bolady, qaıtse tatý bolady bilmeıdi...» dep, birlik pen tatýlyqtyń qandaı jaǵdaıda iske asatyndyǵyn taldap kórsetedi. Abaı danamyzdyń qarasózderi jáne onyń oı pikiri ómirdiń túrli dınamıkalaryna baǵyttalǵanyn kóremiz. Onyń qarasózderi árbir esti adamǵa oı salary anyq. Abaıda ǵylym da, óner de, din de bar. Búginderi de Abaıdyń sol zamanǵy qozǵaǵan máseleleri qoǵamda ózekti bolýda.
Bizge kerek dúnıe – birlik. Qazir elimizde ártúrli etnos beıbittatý ómir súrip jatyr. Bul basqa elderge úlgi bolýda. Birliktiń nyǵaıýynda ortaq maqsattyń orny erekshe. Ortaq maqsatqa ıe bolý, adamdar arasyndaǵy baılanysty budan da myqtap, kózdegen maqsatqa ońaı ári tez jetýdi qamtamasyz etedi. Maqsattary bir bolǵan árbir adam basqaǵa qolushyn sozý arqyly alǵa tez jyljıdy.
Búgingi pandemııa álem halqyn ábigerge salyp, qoǵam ishinde árbirimizdiń oqshaýlanýymyzǵa alyp keldi. Degenmen pandemııa jaǵdaıy elimizdiń birligine nuqsan keltirmedi, qaıta halqymyzdyń bir-birine degen janashyrlyǵy, birligi baıqaldy.
Dana halqymyz «Birlik bolmaı – tirlik bolmas», «Yrys aldy – yntymaq» demekshi, birlik pen yntymaq bolǵan jerde tatý, beıbit ómir men eldiń damýy bolady.
Kóptegen etnosty uıystyryp otyrǵan Qazaqstan úshin 1 mamyr – Qazaqstan halqynyń birligi kúniniń orny erekshe. Alla birligimizden aıyrmasyn!
Nurjan ABDÝLLAEV,
Ál-Farabı atyndaǵy Qazaq ulttyq ýnıversıteti fılosofııa jáne saıasattaný fakýlteti dintaný jáne mádenıettaný kafedrasynyń aǵa oqytýshysy
