Qurlyq básekesi osyǵan deıin Nıý-Delıde ótedi dep sheshilgen edi. Alaıda Azııa boks konfederasııasynyń habarlaýynsha, Úndistanda koronavırýs ınfeksııasynyń tym qatty taralýyna baılanysty atalǵan sheshim qaıta ózgertilip otyr. Konfederasııanyń málimdeýinshe qurlyq chempıonatynyń týra Olımpıada qarsańynda uıymdastyrylýy úzdik boksshylardyń saralanyp shyǵýyna jol ashpaq.
2020 jyly ótedi dep josparlanǵan qurlyq saıysy búkil álemde pandemııanyń ýshyǵýymen tuspa-tus kelip, 2021 jylǵa aýystyrylǵan edi. Endi Dýbaı tórinde erler men áıelder on salmaq dárejesinde judyryqtasady.
