Qazaq án ónerin jańa bıikke kótergen kompozıtor, ánshi, Qazaqstannyń Halyq ártisi Eskendir Hasanǵalıevtiń qazasy bárimizdiń qabyrǵamyzdy qaıystyryp ketti. Bul – ult rýhanııaty men mádenıeti úshin orny tolmas aýyr qaıǵy.
Eskendir aǵamyz búkil ǵumyryn mýzyka salasyna arnap, otandyq ónerdiń órisin keńeıtýge úlken úles qosqan daryn ıesi. Ol áýezdi ánderimen halqynyń ystyq yqylasyna bólenip, erekshe qurmetine ıe boldy. Ár qazaq jatqa biletin «Atameken» áni eldiń eńsesin kóterip, rýhyn asqaqtatyn qaıtalanbas týyndy bolyp qala beredi.
Aǵamyzdyń jarqyn beınesi árdaıym bizdiń jadymyzda saqtalady. Eskendir Hasanǵalıevtiń qaıtys bolýyna baılanysty marqumnyń otbasy men týǵan-týystaryna qaıǵylaryna ortaqtasyp, kóńil aıtamyn.
