Oqıǵa búgin saǵat 12:50 shamasynda Mańǵystaý aýylyndaǵy «Besshoqy» turǵyn úı oramyna kirer jolda bolǵan. Aýyr tehnıka tıegen arnaıy júk tasymaldaýshy kólik joǵary qysymdy gaz qubyryn soǵyp, 7 metr qashyqtyqqa súırep áketken.
Apatty oqıǵadan zardap shekkender joq. Aýdan ákimi Rahat Tezekbaıuly «Besshoqydaǵy» aýyr júk kóliginiń gaz qubyryna soqtyǵysqan apat ornyna bardy. Aýdandyq tótenshe jaǵdaılar bólimi, jedel-járdem, QazTransGazAımaq mekemesi tıisti sharalardy qoldandy. Qazir gaz qubyryn jóndeý jumystary júrip jatyr.
Aýdan ákimi QazTransGazAımaq mekemesiniń qyzmetkerlerine 5 myńǵa jýyq otbasy erteńge deıin kógildir otynsyz otyra almaıtynyn eskertip, jóndeý jumystaryn jedeldetýdi tapsyrdy.
