Qazaqstannyń burymdylary I tobyna tústi. Qarsylastarymyz – Fransııa, Ýels, Slovenııa, Grekııa jáne Estonııa quramalary. Barlyǵy toǵyz top bar. Ár toptyń jeńimpazdary birden mýndıalda kúsh synasý qurmetine ıe bolady. Al ekinshi oryndy enshilegender ózara sheberlik baıqasý arqyly qalǵan joldamalardy sarapqa salady.
О́zge qurlyqtardy qosa alǵanda álem chempıonatynda barlyǵy 24 memlekettiń ókilderi óner kórsetedi. ÝEFA-nyń quramyndaǵy komandalar arasyndaǵy irikteý týrnıri aǵymdaǵy jyldyń 13 qyrkúıeginde bastalyp, kelesi jyldyń qazan aıynda óz máresine jetedi.
Esterińizge sala keteıik, áıelder arasyndaǵy álemdik dop dodasy 1991 jyldan beri uıymdastyrylyp keledi. Sol jarystardyń tórteýinde AQSh-tyń arýlary aldaryna jan salmasa, Germanııanyń burymdyldary eki márte dara shyqty. Norvegııa men Japonııanyń sulýlary bir-bir retten bas júldeni oljalady.
