El úkimeti Eýroodaq maquldaǵan 12 aptalyq maksımaldy aralyqtyń sheńberinen shyǵyp ketken. О́ıtkeni Ispanııa – eýropalyq dári-dármek agenttiginiń nusqaýynsyz, óz betinshe áreket etip júrgen elderdiń biri. Oǵan qosa, dári-dármekterdi ońdy-soldy paıdalanýdyń sońy basqa elderge de áser etýi múmkin.
Osyǵan oraı eldiń densaýlyq mınıstrligi merzimdi uzartý keıbir olqylyqtardy ornyna qoıyp, tıimdi sheshimdi qabyldaýǵa septigin tıgizedi dep otyr.
Ispanııa bıligi bastapqy kezeńde 18 ben 65 jas aralyǵyndaǵy jumysshylarǵa AstraZeneca vaksınasyn salǵan edi. Biraq jas aǵzalarda qan uıyp, keri áser bergendikten, vaksınany tek 60 jastan asqan adamdarǵa egýge ruqsat etildi.
Sonymen birge bıyl naýryz aıynda Ispanııanyń 43 jastaǵy turǵyny AstraZeneca vaksınasymen egilip, kóp uzamaı mıǵa qan ketýinen qaıtys bolǵan. Belgili bolǵandaı, ol buryn-sońdy eshqandaı aýrýmen syrqattanbaǵan.
