Medısınalyq qyzmettiń sapasyn arttyrý – basym baǵyt

Esep berý kezdesýinde Den­saýlyq saqtaý mınıstri Alek­seı Soı saladaǵy negizgi pro­blemalarǵa toqtaldy.

«Densaýlyq saqtaý sala­synda nazar aýdarý qajet kóp­tegen másele bar. Salanyń bir­qatar mańyzdy kórsetkishi tó­mendedi. Bul eń aldymen ana ólimine qatysty. Sondaı-aq jú­rek-qantamyr júıesi aýrýlarynan bolatyn ólim-jitimniń 15 paıyzǵa óskeni baıqaldy. Munyń bári koronavırýs ınfeksııasymen baılanysty. Osy problemalardy sheshý úshin buryn-sońdy bolmaǵan sharalar qabyldandy. Qysqa merzim ishinde azamattardyń densaýlyǵyn saqtaýǵa baǵyt­talǵan aıtarlyqtaı kúsh pen qarajat jumyldyryldy», dedi mınıstr.

Onyń aıtýynsha, qazir den­saý­lyq saqtaý júıesi úshin negizgi baǵyt – alǵashqy me­dı­sı­­nalyq-sanıtarlyq kómek­tiń qoljetimdiligi men sapasyn qamtamasyz etý. Búgingi tań­da halyqqa medısınalyq qyz­metterdi 7 myńnan astam ambý­latorlyq-emhanalyq uıym kórsetedi, onyń ishinde mem­lekettik – 59%, jekemenshik – 41%. Ýchaskelik dárigerdiń júk­­temesin azaıtý úshin 2020 jyly qosymsha jalpy praktıka dárigerleriniń 480 ýchaskesi ashyldy. Medısınalyq kómek­tiń qoljetimdiligin qamtamasyz etý maqsatynda el óńirlerinde 63 ambýlatorııalyq-emhanalyq nysan salynyp, paıdalanýǵa beril­di. Medısınalyq-sanıtarııalyq alǵashqy kómekti qarjylandyrý ótken jyly densaýlyq saq­taýdy qarjylandyrýdyń jalpy kóleminiń 52,4%-yna deıin jetkizildi. Bul rette dárilik zattarǵa jazyp berilgen jeńil­dikti reseptiler sany 13,7 mıl­lıon­ǵa jetti.

Sondaı-aq el halqy skrı­nıngtik zertteýlermen qam­tamasyz etilgen, olardyń sa­ny 2020 jyly 12 mln zert­tep-qaraýdy qurady. Nátı­jesinde, 600 myńnan astam aýrý anyqtaldy. Qant dıabeti, gıper­tonııa jáne júrek fýnk­sııasynyń sozylmaly jetki­liksizdigi sııaqty aýrýlarǵa qa­tysty baǵdarlamany iske asyrý jalǵasýda. 2020 jyly dınamıkalyq baqylaýdaǵy pasıentterdiń 55 paıyzy osy baǵdarlamaǵa qatysty. Úıde me­dısınalyq kómek kórsetý úshin mobıldik brıgadalardyń sany 3 700-ge jetti, onyń 49%-y – aýylda. Bul rette 2020 jyly olar 750 myńnan astam medı­sınalyq qyzmet kórsetti. Bul úıde KVI juqtyrǵan naý­qastarǵa medısınalyq kómek kórsetýde mańyzdy ról atqardy.

«Biz úshin eń basym baǵyt­tardyń biri ana men balany qor­ǵaý bolyp qala beredi. Sta­tıstıkalyq derekter boıynsha 2021 jylǵy 1 qańtardaǵy jaǵdaı boıynsha elimizde bala týatyn jastaǵy 4 mln 645 myń áıel ómir súrip jatyr, bul 2019 jyldyń uqsas kezeńiniń kórsetkishterinen 26 myńǵa artyq. Júkti áıelderdiń sany 436 myńǵa jýyq boldy, olardyń sany 2020 jyly 2019 jylmen salystyrǵanda 21 myńǵa artty. Sonymen qatar 2020 jyly bosaný sany ótken jylmen salystyrǵanda 22 myńǵa artty. О́tken jyly tiri týǵan balalar sany 427 myńnan astam adamdy qurady, bul 2019 jylmen salystyrǵanda 24 myńǵa joǵary. Memleket basshysynyń tapsyrmalaryn iske asyrý aıasynda biz ekstrakorporaldy uryqtandyrýǵa kvotalar sanyn 1 105-ten 2021 jyly 7 myńǵa deıin ulǵaıttyq. Jyl saıyn halyqqa 7 myń kvota beriletinin aıta ketý kerek. Respýblıkanyń 8 qalasynda qazirgi ýaqytta qosalqy reprodýktıvti tehnologııalar qyzmetin oryndaıtyn 27 klınıka jumys isteıdi, olardyń 19-y MÁMS aıasynda qyzmet kórsetedi», dedi A. Soı.

Esep berý barysynda bıyl medısına salasyndaǵy engizi­letin biregeı tehnologııalar jóninde sóz boldy. Densaýlyq saqtaý júıesiniń mamandary jańa medısınalyq tehnologııa­lardy izdestirý men engizýdi turaqty negizde júrgizedi. Qazaq­standa medısınanyń bir­qatar baǵyty halyqaralyq deń­geıde tabys­ty básekelese bas­tady. Bizdiń elde joǵary tehnologııaly medısınalyq kómektiń (JTMK) 78 túri boıynsha halyqqa qoljetimdilik qamtamasyz etilgen. Bul rette 2020 jyly 10 myńǵa jýyq JTMK qyzmeti kórsetildi. 2011 jyldan bastap elimizde organdardy transplantasııalaý tehnologııalary belsendi engizilýde. 2020 jyly 112 transplanttaý jasaldy. 2020 jyly mynadaı biregeı tehnologııalar engizildi. Bul – 3D basyp shyǵarý tehnologııasy boıynsha jeke úlgilengen jasandy omyrtqaly protezdi ornatý, bassúıek nervteriniń mı­krovaskýlıarlyq dekompressııasy kezindegi endoskopııalyq assıs­tensııa.

«2021 jyly biz taǵy bir­qatar tehnologııany ıgerýdi jáne engizýdi josparlap otyrmyz. Bul – gamma-pyshaq appa­ratyn qoldanýmen ortalyq jú­ıke júıesi aýrýlaryn em­deýdiń radıohırýrgııalyq ádisi, júrekishilik stımýlıatordy transkateterlik ımplanttaý. Sonymen qatar Semeı qa­la­synda Iаdrolyq medısına ortalyǵynyń qurylysy aıaqtal­dy. Ortalyqtyń tolyq qyzmet spek­tri osy jyldyń maýsym aıy­nan bastap kórsetiledi. Nazar­baev Ýnıversıteti janynan Balalar kardıohırýrgııalyq orta­lyǵyn ashý josparlanýda», dedi mınıstr.

Baıandama barysynda mınıstr bıyl Qazaqstanda ońaltý qyzmetteriniń sany 800 myńǵa deıin artatynyn alǵa tartty. Respýblıkada 610 medısınalyq ońaltý uıymy jumys isteıdi, onyń ishinde memlekettik – 377, jeke – 233, respýblıkalyq – 7. Tuń­ǵysh Prezıdent qory­nyń bastamasymen 8 jańa ońal­tý ortalyǵy ashyldy. Qazir­gi ýaqytta medısınalyq uıym­darda 695 myń múmkindigi shek­teýli adam dınamıkalyq baqy­laýda tur, onyń ishinde 95 my­ńy – balalar. Mınıstrdiń máli­metinshe, bul adamdarǵa 2020 jyly 638 myńnan astam medı­sınalyq qyzmet kórsetildi. 2020 jylǵy 1 qańtardan bas­tap MÁMS júıesin engizý arqyly  ońaltý qyzmetterin qarjylandyrý 2019 jylmen salystyrǵanda 1,2 esege ulǵaıdy jáne 55,7 mlrd teńgeni qurady. 2021 jyly MÁMS júıesine túsetin túsimder esebinen ońal­tý qyzmetteriniń sanyn 800 myń­ǵa jetkizý, sondaı-aq osy qyz­metterdi qarjylandyrýdy 62 mlrd teńgege deıin arttyrý jos­parlanyp otyr.

«Dárimen qamtamasyz etýde irkilisterdi boldyrmaý úshin biryńǵaı dıstrıbıýtordyń qoı­malarynda Sovid-19-dy em­deýge arnalǵan dárilik zat­tardyń 38 pozısııasy boıynsha 6 mlrd teńgeden astam somaǵa preparattardyń 2 aılyq qory aıyna 60 myń pasıentti qamtý úshin qalyptastyryldy. Qazir zerthanalyq PTR-testileýdiń qýaty táýligine 123 myńǵa deıin jetkizildi. Qalalarda ýaqtyly medısınalyq kómek kórsetý úshin 16 modýldik ınfeksııalyq aýrýhana salyndy. 36 myńǵa jýyq tósektik oryn ottegi­men qamtamasyz etilgen. Medısı­nalyq uıymdardyń ókpeni ja­san­dy tynystandyrý apparattaryna qajettiligi tolyq qamta­masyz etildi. Koronavırýs ın­fek­sııasynyń taralýynyń bar­lyq táýekelin eskere otyryp, biz aýrýhanalardaǵy oryn qorynyń daıyndyǵyn qam­tamasyz etý boıynsha sharalar qabyldadyq. Elimiz bo­ıynsha oryndardyń eń joǵary yqtımal sany 62 myńdy qurady, onyń ishinde 36 myńy – jumys istep turǵan ınfeksııalyq oryn, 3 myńnan astamy – rea­nı­­­­­­masııalyq, 23 myńy – rezerv­­tik tósek. Infeksııalyq oryn­dar­dyń júktemesi 42 paıyzdy, reanımasııalyq oryndardyń júk­temesi 29 paıyzdy qurady», dedi vedomstvo basshysy.