Naýqas balalar kemsitilmeýi tıis

Qazaq dermatologııa jáne ın­feksııalyq aýrýlar ǵylymı orta­lyǵynyń málimetteri bo­ıynsha elimizde aǵzanyń ımmýn tapshy­lyǵy vırýsyna shaldyqqan 500-den astam bala men jasós­pirim tirkelgen. AITV-men ómir súretinderge qatysty kemsitý­shiliktiń kóptep kezdesýine baılanysty byltyrǵy jyldan bastap Eńbek jáne halyqty áleýmettik qor­ǵaý mınıstrligi, Densaýlyq saq­taý mınıstrligi men IýNISEF maman­dary alty óńirlik mektepte psı­hoáleýmettik qoldaýdyń ulttyq standarttaryn engizýdiń qanat­qaqty jobasyn júzege asyrǵan bolatyn. Osy oraıda sarapshylar mektepterde, ınternattarda, mektepke deıingi jáne medısınalyq meke­melerde kemsitýshilik jaǵdaı­lardyń kóp kezdesetindigin anyqtaǵan.

BUU Balalar qorynyń (IýNISEF) Qazaqstandaǵy ókil­digi Eńbek jáne halyqty áleýmet­tik qorǵaý mınıstrligi, S.Asfen­dııarov atyn­daǵy Qazaq ult­tyq medısına ýnı­versıteti jáne «AITV-men ómir súretin adam­dardyń Ortalyq-Azııalyq qaýym­dastyǵy» birlesip uıymdastyrǵan AITV jáne basqa da sozylmaly aýrýlar­men ómir súretin balalar men jasós­pirimderdi qoldaýǵa baǵyttalǵan aqparattyq naýqan endigi kezekte Almaty, Shyǵys Qazaq­stan, Qara­ǵandy, Túrkistan oblys­tary jáne Almaty, Shym­kent qalalaryndaǵy  30 mektepte sáýir, mamyr aılarynda jal­ǵasyn tabatyn bolady.

Eńbek jáne halyqty áleýmettik qorǵaý vıse-mınıstri Erlan Áýke­nov atap ótkendeı, atalǵan shara AITV-men jáne ózge de sozylma­ly aýrýlarmen ómir súretin bala­­lar men jasóspirimderge jaǵym­­syz kúızelisterge boı aldyr­maı, densaýlyǵyn saqtaýǵa baǵyt­talǵan.

«AITV-men ómir súretin adam­dardyń Ortalyq Azııa qaýym­dastyǵy» ZTB prezıdenti Nuráli Amanjolovtyń aıtýynsha, balalar men jasóspirimderdiń múddesi úshin mektep qyzmetkerleriniń AITV, onyń berilý joldary men aldyn alý týraly tolyq bili­mi bolýy mańyzdy. AITV bala­nyń basqalarǵa eshqandaı qaýip tón­dir­meıtinin, al mektep – kemsitý­shilikten qoryqpaı, árkim qoldaý taba alatyn oryn ekenin túsinýi tıis. Atalǵan qor tarapynan «Stıgma ındeksi» boıynsha zert­teý júrgizilgen. Zertteý nátı­jesi kórsetkendeı, bul aýrýǵa shal­dyq­qandardyń basym kópshiligi kemsitý­shilikke medısınalyq uıym­darda tap bolady eken. Atalǵan qor ony boldyrmaýdyń jolda­ryn qarastyra otyryp, dári-dármek baǵasyn arzandatýǵa, emdeý hattama­syn jaqsartýdy jetildirip keledi. Qa­zaqstandaǵy IýNISEF ókili Artýr van Dızen atap ótkendeı, ár balanyń kemsitýsiz jáne quqyq­tary men múddeleri buzyl­maı ómir súrýge quqyǵy bar. Son­dyq­tan da osal topqa jatatyn balalarǵa erekshe nazar aýdarý kerek. Mektepterde qoldaý kórsetip, túsinistikpen qaraý kerek. Osyndaı ortalarda ǵana ózderin jaıly sezine alatyn AITV-men ómir súretin balalar úshin mektep oqýshylary men qyzmetkerleriniń dostyq peıili jáne qoldaý kórsetýi asa mańyzdy.