Osy máselede saýapty istermen úzbeı aınalysyp kele jatqan AYALA qaıyrymdylyq qory Almaty Perınatologııa jáne balalar kardıohırýrgııasy ortalyǵyna zamanaýı reanımasııalyq jabdyqtardyń 18 birligin, onyń ishinde dene salmaǵy óte tómen nárestelerdiń qarqyndy terapııasyna arnalǵan 2 ınkýbator, 5 reanımasııalyq ústel, 6 fototerapııa shamy men 5 joǵary dáldikti medısınalyq tarazy berdi. Qomaqty qarajatty qajet etetin joba Halyk Bank-tiń demeýshilik qoldaýymen júzege asyrylyp otyr. Berilgen jabdyqtyń jalpy quny 27 003 750 teńgeni qurady.
– Bul – óte mańyzdy qaıyrymdylyq joba. Sebebi áńgime, eldiń erteńi – sábılerdiń, jańa týǵan qazaqstandyqtardyń densaýlyǵy týraly bolyp otyr. Sondyqtan bank túrli áleýmettik mańyzdy jobalar boıynsha burynnan kele jatqan seriktesimiz AYALA qorynyń bastamasyn qoldady. Osy jabdyqtar men jan-jaqty qoldaý arqyly ortalyq mamandary balalarǵa ýaqtyly kómek kórsetip, dúnıe esigin ashqan nárestelerdiń aman-esen ómir súrýine septigin tıgizetinine sengim keledi, – deıdi Halyk Bank basqarma tóraǵasynyń orynbasary Dáýren Sartaev.
Almaty qalasy Perınatologııa jáne balalar kardıohırýrgııasy ortalyǵy dırektorynyń orynbasary Svetlana Lısogordyń aıtýynsha, ashylǵanyna 10 jyl bolǵan ortalyqta medısınalyq jabdyqtar eskirgen, sondyqtan únemi kúrdeli jóndeýdi talap etip, jıi isten shyǵady.
– Bizde ornatylǵan kóptegen modelder óndiriste joq bolǵandyqtan, bul jıyntyqtardy satyp alýdy qıyndatady. Ásirese qural-jabdyqtardyń tapshylyǵy neonataldyq qyzmet bólimshelerinde qatty seziledi. Endi Halyk Bank pen AYALA qorynyń qoldaýynyń nátıjesinde neonatologııa bólimshesiniń barlyq qajettiligi qanaǵattandyryldy. Dárigerlerdiń, iri bıznes pen qordyń birikken qamqorlyǵy jańa týǵan nárestelerdiń ómiri men densaýlyǵyn saqtap qalýǵa kómektesedi, – deıdi ol.
Qarqyndy terapııaǵa arnalǵan ınkýbator jylýdyń rettelýi jańa týǵan nárestelerdiń dene temperatýrasyn, qajetti ylǵaldylyqty jáne otteginiń deńgeıin ustaıdy. Ashyq reanımasııalyq júıe shala týǵan balalardy emdeý úshin ońtaıly mıkroklımattyq jaǵdaılardy ustap turý úshin arnaıy qurylǵan. Ádette olar tómen dene salmaǵymen týady jáne nárestelerge teridegi usaq tesikter arqyly býlanyp ketetin ylǵaldy joǵaltpaı ustaý kerek. Deneniń qalypty temperatýrasy 37,5S aspaýy tıis, ish temperatýrasy 36,2-36,5S sheginde bolýy qajet. Ashyq reanımasııalyq júıede osy kórsetkishterge qol jetkizý úshin kereýettiń, aýanyń temperatýrasynyń jaıly deńgeıi men sáýleli jylý berýdiń qýaty belgilenedi.
Fototerapııa shamy jańa týǵan nárestelerdiń densaýlyǵy men zııatyn saqtaı otyryp, olardy emdeýge kómektesedi. Jańa týǵan nárestelerdiń sarǵaıýy – bul ortalyq júıke júıesiniń aýyr zaqymdanýyna ákeletin ýytty bılırýbın deńgeıiniń ulǵaıýy. Ásirese ol shala týǵan balalardyń arasynda jıi kezdesedi. Qandaǵy ýytty bılırýbınniń joǵary deńgeıi damýdaǵy kidiristerdi, atetoıdty serebraldy sal aýrýyn, ishinara nemese tolyq sal aýrýyn, qurysýdy, estý problemalaryn qosa alǵanda, balanyń bas mıynyń qaıtymsyz zaqymdanýyna sebep bolýy múmkin.
AYALA qaıyrymdylyq qorynyń maqsaty – Qazaqstandaǵy sábıler men balalar ólimin jáne múgedektikti azaıtý. Ol úshin qor 14 jyldan beri «О́mir syılaıyq» jobasyn júzege asyryp keledi. Oǵan jınalǵan barlyq qarajat Qazaqstan aýrýhanalarynyń perınataldyq ortalyqtary men balalar bólimsheleriniń reanımasııalaryn ómirlik mańyzdy jabdyqtarmen jabdyqtaýǵa jumsalady. 2007 jyldan bastap mundaı jabdyqtar elimizdiń 36 qalasy men eldi mekeninde ornatyldy. Qordyń baǵalaýynsha, bul Qazaqstanda júzdegen myń balanyń ómirine arasha bolýǵa kómektesken.
ALMATY
