Avstralııa, Brýneı, Qytaı, Jańa Zelandııa, sondaı-aq Gonkong, Makao men Taıvannan kelgen týrısterge bul talap qoldanylmaıdy. О́tken aptada Sıngapýr úkimeti Bangladesh, Úndistan, Nepal, Pákistan jáne Shrı-Lankadan kelgen sheteldikterdiń kirýine tolyqtaı tyıym saldy.
Túrkııadaǵy qoldanystaǵy lokdaýn sharttary 7 mamyrdan bastap kúsheıtiledi, dúkenderde tek negizgi azyq-túlik, gıgıena quraldary men úı janýarlaryna arnalǵan taǵamdar saýdasyna ruqsat etiledi. Buǵan deıin Túrkııa prezıdenti koronavırýstyń kúrdeli jaǵdaıyna baılanysty elde 29 sáýirden 17 mamyrǵa deıin tolyq lokdaýn jarııalaǵan bolatyn. IIM-nen basqa barlyq uıymdar men mekemeler óz qyzmetin toqtatty. Qalaaralyq saparlarǵa bılikten ruqsat alǵannan keıin ǵana shyǵýǵa bolady. Sheteldik týrısterge komendanttyq saǵat qoldanylmaıdy.
AQSh basshylyǵy 4 shildede atap ótiletin Táýelsizdik kúnine oraı eldiń eresek turǵyndarynyń 70%-in COVID-19-ǵa qarsy egýge nıetti. AQSh Prezıdenti Djo Baıden vaksınanyń alǵashqy dozasymen el turǵyndarynyń jartysynan kóbi qamtylýy kerek, al 160 mıllıon amerıkandyq koronavırýsqa qarsy vaksınasııanyń tolyq kýrsynan ótýi qajet dedi. Baıden bul maqsatqa qol jetkizý úshn AQSh-ta 60 kúnde 100 mıllıon vaksınasııa jasalý kerek atap ótti. Bul eldiń qalypty ómirge oralýyna múmkindik beredi dedi ol.
Ulybrıtanııa bıligi kúzge qaraı 50 jastan asqan azamattarǵa qysta aýrýdyń kóbeıýine jol bermeý úshin úshinshi Sovid-19 vaksınasııasyn engizýdi usynady. Qazir Ulybrıtanııanyń Bas sanıtarııalyq dárigeriniń basshylyǵymen vaksınalardyń eki nusqasy synaqtan ótkizilýde. Birinshi nusqa koronavırýstyń jańa shtamdarymen kúresýge baǵyttalǵan. Ekinshi nusqa retinde elde maquldanǵan úsh preparattyń bireýi tańdalýy múmkin. Qysqa merzimde kóp adamdy ekpemen qamtý úshin Ulybrıtanııa úkimetiniń sheshimi boıynsha vaksınanyń eki dozasyn engizý arasyndaǵy aralyq úsh aptadan úsh aıǵa deıin ulǵaıtyldy.
