Elordadaǵy Abý-Dabı Plaza saýda ortalyǵynda koronavırýsqa qarsy vaksınalaý jumystary úzdiksiz júrip jatyr. Búgin solardyń arasynda Nur-Sultan qalasy ákimdiginiń mýzykalyq jas kórermen teatrynyń ujymy da bar.
«Abý-Dabı Plaza» saýda, oıyn-saýyq ortalyǵyna vaksına saldyrýǵa áriptesterimizben keldik. Spýtık-V vaksınasyn alýdy uıǵardyq. Biz kórermendermen tikeleı jumys isteımiz. Halyqtyń ortasynda júremiz. Sondyqtan ártister men óner adamdaryna birinshi kezekte saqtaný kerek. Jan men tándi aýyrtatyndaı eshnárse kórmedim. О́zimdi jaqsy sezinip turmyn. Qazirgi kezeńde órkenıetti elderdiń kópshiligi, ásirese Izraıl, AQSh, Eýropa memleketteriniń kópshligi vaksına alýda alǵa shyǵyp jatyr. О́z kezeginde men otandastarymdy vaksına saldyrýǵa shaqyrǵym keledi. О́tken ǵasyrdyń basynda da osyndaı náýbetti kezeńder bolǵan. Sodan adamzat balasy nebir vaksına oılap taýyp, jeńip otyrǵan. Meniń uǵymymda ultty, memleketti saqtaýdyń birden-bir joly – vaksına alý. О́zim bir jyl buryn osy koronavırýspen qatty aýyryp jazylǵanmyn. Sondyqtan, bıyl ekinshi ret qaıtalanbaýy úshin ekpe saldyryp otyrmyn», dedi A.Maemırov.
Osy teatrdyń jetekshi akteri Asylhan Tólepov te «Spýtnık V» vaksınasyn saldyrdy.
«Búgin men úshin erekshe kún. О́zim tańdaý jasap vaksına saldyraıyn dep sheshtim. Ár adamǵa densaýlyq kerek. О́zimizben qatar ózgelerdi oılaý mańyzdy. Bireýge syn aıtpas buryn árkim ózinen bastaý qajet. Otbasymda eń birinshi bolyp vaksınany men qabyldadym. Meniń tańdaýym — Spýtnık-V vaksınasy boldy. Dárigerler bárin túsindirdi. Saqtyq sharalarynyń bárin qatań saqtaımyn. Vaksına aldym eken dep betperdeni sheshýge bolmaıdy», dedi Asylhan Tólepov.
