Apat mamyrdyń tórtinen besine qaraǵan túni oryn alǵan. 34 jastaǵy qala turǵyny rólge ıe bola almaı qalǵan. Synǵan aǵash jol ústine qulaǵan. Júrgizýshi medısınalyq mekemege jetkizilip, medısınalyq kómek kórsetilgennen keıin úıine jiberildi. Tekseris barysynda jigittiń júrgizýshilik kýáligi bolmaǵany anyqtalǵan. Onyń ústine medısınalyq kýálandyrýdan bas tartqan. Al bul áreket quqyq buzýshylyq sanalady.
«Qala turǵynyna qatysty 2 hattama toltyryldy. Materıaldar prosessýaldyq sheshim qabyldaý úshin Petropavl qalasynyń Mamandandyrylǵan ákimshilik sotyna jiberilgen. Sot qaýlysymen júrgizýshige 25 táýlik túrindegi ákimshilik qamaý jáne 60 aılyq eseptik kórsetkish kólemindegi aıyppul belgilendi. Avtokólik arnaıy turaqqa qoıyldy», deıdi Petropavl qalasy PB patrýldik polısııa batalony shtabynyń bastyǵy, polısııa maıory Oksana Popova.
