Mýzykaly mamyr

Uly Jeńis kúni – 9 mamyrda kúndizgi 15:00-de kórermenderge «Estelik ári dańqty ánder» atty syrly sazǵa toly konsert ótedi. Onda opera solısteri, hor ártisteri men orkestrdiń oryndaýynda qazaq, orys jáne batys eýropalyq klassıkanyń ozyq úlgileri men soǵys jyldaryndaǵy tanymal ánder oryndalady. Al 11 mamyrda saǵat 19:00-de biregeı óner ordasynda alǵash ret «Mosart. Klassıka saltanaty» degen keremet keshte Volfgang Amadeı Mosarttyń konserttik sımfonııalary teatrdyń aspapshy so­lısteri men Kameralyq orkestriniń oryndaýynda shyrqalady.

Sondaı-aq 14 mamyrda saǵat 19:00-de Qazaq Quintet úrlemeli aǵash aspaptar kvınteti men basqa da tanymal qazaqstandyq mýzykanttar Aspaptyq premeralar keshin usynady. Onyń aıasynda nemis kom­pozıtorlarynyń eki iri kameralyq shyǵarmasy – venalyq klassık Lıýdvıg van Bethovenniń klarnet, valtorna, fagot, skrıpka, alt, vıolonchel jáne kontrabasqa arnalǵan sep­teti, mı-bemol major jáne Lıýdvıg Tıýıeniń fortepıa­no men sı-bemol major oryndalady. 15 mamyr kúni 18:00-de «Romans tarıhy» toptamasynan «Údere kóshken aq bulttar...» atty kesh bolady.

19 mamyrda keshki 19:00-de «Astana Opera» kame­ralyq hory, opera solısteri men orkestr ártisteriniń qatysýymen kórnekti kompozıtor, dırıjer, Qazaq KSR eńbek sińirgen óner qaıratkeri Qapan Mýsınniń 100 jyl­dyq mereıtoıyna oraı «Saıra, bulbul» atty sazdy kesh ótedi. Sonymen birge jurtshylyq 23 mamyr­da kúndizgi 15:00-de «Ala­qaı, demalys!» toptamasynan «О́nerli jastar tartýy» men 27 mamyrda 19:00-de Next Generation konsertin kóresiz. 28 mamyrda 19:00-de «Astana Opera» or­kestriniń ártisteri HH ǵa­syrdyń eń kórnekti kom­pozıtorlarynyń biri S.Pro­kofevtiń 130 jyl­dyǵyna arnap «Prokofevke tartý» kameralyq mýzyka kon­sertin usynady. Al 30 mamyrda saǵat 18:00-de «Mý­zyka qudaıy qo­nys­tanǵan opus...» atty mý­zy­kalyq keshti tamashalaısyz.