Bul týraly óńirlik kommýnıkasııalar qyzmetinde ótken onlaın brıfıngte Syrdarııa aýdanynyń bas memlekettik sanıtarııalyq dárigeriniń mindetin atqarýshy Quralaı Omarova málimdedi.
Mamandar koronavırýstyq ınfeksııasynyń tirkelýiniń negizgi sebepteri turǵyndardyń karantındik sharalardy saqtamaýynan bolyp otyrǵanyn aıtady.
«Aýyrǵandardyń eń joǵary deńgeıi eresekter arasynda tirkeldi. Olar jalpy syrqattanýshylyqtyń 72 paıyzyn quraıdy, balalar úlesi 23,7 paıyzdy jáne jasóspirimder 4,5 paıyzdy qurady. Dene qyzýyńyz kóterilip, jótel jáne tynys alý qıyndaǵan jaǵdaıda medısınalyq kómekke júginý qajet. Oıyn-saýyq, otbasylyq, saltanatty, estelik jıyndaryn ótkizýdi keıinge qaldyrýlaryńyzdy suraımyz. Bul indetti tek barlyǵymyz birlesip qana jeńetinimizdi esten shyǵarmaıyq», dedi Quralaı Saıranqyzy.
«Spýtnık-V» vaksınasyn salýǵa aýdandyq aýrýhana ǵımaratynan 2 egý kabıneti jasaqtaldy. Tasymaldanýǵa qolaıly vaksınamen qamtamasyz etilgen jaǵdaıda barlyq eldi mekenderde egý kabınetteri men jyljymaly egý brıgadalary jumys jasaýǵa daıyn. Aýdanǵa naýryz aıynan bastap 4500 doza vaksına jetkizilip, 4045 turǵyn ekpe saldyrdy.
