Qos ardagerdiń biri – bıyl ǵasyr bıigin baǵyndyrǵan Aıdyn Aıbarov, ekinshi maıdanger Zakarııa Sultanovtyń jasy – 96-da. Sondaı-aq, soǵys jyldarynda konslager tutqynynda bolǵan bir adam bar. Al, tylda eńbek etkenderdiń sany – 1919 adam.
«Jeńis kúni qarsańynda Atyraý qalasynda turatyn eki maıdangerge 1 000 000 teńgeden qarjylaı kómek berildi. Sonymen qatar, ekinshi dúnıejúzilik soǵys kezinde fashıster men olardyń odaqtastary qurǵan konslager tutqyny sanatyna jatatyn bir adamǵa 1 000 000 teńgeniń qoldaýy kórsetildi. Al, Jeńiske úles qosqan tyl eńbekkeri sanatyndaǵy 45 adam 100 000 teńgeden birjolǵy aqshalaı kómek aldy. Soǵys jyldarynda jumys istep, alaıda, nagradtalmaǵan tyl eńbekkerleriniń taǵy bir tobyna – 1874 adamǵa 30 000 teńgeden qarjylaı kómek berilip otyr» dep málim etti oblystyq Jumyspen qamtýdy úılestirý jáne áleýmettik baǵdarlamalar basqarmasynan.
