Elimizde koronavırýs ınfeksııasyna baılanysty sporttyq jarystar jankúıersiz ótip keledi. Alaıda, 2 mamyrda munaıly óńir komandasynyń «Kaspıı» komandasymen kezdesýinde stadıonǵa jankúıerler jınalǵan. Fýtboldan el birinshiliginiń IH týry aıasyndaǵy bul kezdesý Atyraýda ótken edi.
«Tártiptik reglamenttiń 66-babyna sáıkes «Atyraý» FK-ǵa 200 AEK mólsherinde aıyppul salynsyn. Bul 583 400 (bes júz seksen úsh myń tórt júz) teńgeni quraıdy. «Atyraý» fýtbol klýby 2021 jyldyń 4 maýsymyna deıin aıyppul tólesin» delingen Qazaqstan fýtbol federasııasynyń aqparatynda.
