Almatynyń ekpe pýnktteri barlyq mereke jáne demalys kúnderi de jumystaryn jalǵastyryp otyr.
Búgin О́ńirlik kommýnıkasııalar qyzmetiniń alańynda Respýblıkalyq elektrondyq densaýlyq saqtaý ortalyǵynyń Almaty qalalyq fılıalynyń dırektory Gúlnar Ysqaqova sóz sóıledi. Ol megapolıstiń barlyq 215 ekpe pýnkti mamyr aıynyń merekelik jáne demalys kúnderi jumys isteıtindigin, sondaı-aq SOO, bazarlar men saýda úıleri bazasynda vaksına saldyrý úshin aldyn ala jazylý qajet emestigin habarlady. Sonymen qatar, vaksınanyń ekinshi komponentin alý merzimi 45 kúnnen keıin dep ózgertilgenine qaramastan, ony erterek, 21 kúnnen keıin de alýǵa bolady, ol úshin ótinish jazý kerek.
Gúlnar Ysqaqovanyń aıtýynsha, Almatyda jappaı vaksına alý óte aýqymdy júrgizilýde, qazirdiń ózinde vaksınanyń birinshi komponentin 238 myńnan astam adam alǵan. Onyń ishinde 60 jastan asqan adamdar – 31 myńǵa jýyq. Ekinshi komponentti 90 myńnan astam adam aldy. Onyń ústine, ekpe alǵandardyń bári Almaty qalasynda tirkelmegen.
«Qazaqstanda jappaı vaksınalaýdyń júrgizilýine baılanysty, turǵylyqty jerine nemese Almatyda tirkelgenine qaramastan, kez kelgen adam koronavırýsqa qarsy ekpe jasata alady. Sondaı-aq Almatyda turýǵa ruqsaty bar shetel azamattaryn, eńbek mıgranttaryn, bosqyndardy jáne sheteldik stýdentterdi tegin vaksınasııalaı alamyz. Almatyda ondaı adamdar sany 7 myńǵa jýyq», dedi Gúlnar Ysqaqova.
Spıker vaksınalanǵandardyń negizgi sanynyń basym bóligin pedagogtar quraıtynyn, qazirdiń ózinde olardyń 99%-yna ekpe jasalǵanyn habarlady. Sondaı-aq Almaty qalasynyń medısına qyzmetkerleriniń 83% - dan astamy, ýchaskelik polısııa ınspektorlarynyń 94% - dan astamy vaksınalandy.
«Búgingi tańda vaksına alýǵa qarsy kórsetkishi bar aýrýlar tizimi az. Bastysy, azamattarymyzdyń vaksınalanýǵa degen nıeti bolsa boldy, Almaty qalasynyń kez kelgen jerinde ekpe saldyrýǵa bolady. Kún saıyn demalyssyz jáne úzilissiz 215 ekpe pýnkti jumys isteıdi, qajet bolǵan jaǵdaıda rezervte taǵy 250 ekpe pýnkti bar», dep tolyqtyrdy G.Ysqaqova.
Qoǵamdyq densaýlyq basqarmasy spıkeriniń aıtýynsha, vaksınalaný kezinde QR Densaýlyq saqtaý mınıstrliginiń «Vaksınasııa» aqparattyq bazasynda tirkeý júrgiziledi.
«Vaksınanyń ekinshi komponentin alǵannan keıin, Egov bazasynda avtomatty túrde úsh tilde, qazaq, orys jáne aǵylshyn tilderinde elektrondyq vaksına pasporty paıda bolady. Ony E-Gov mobile mobıldik qosymshasy arqyly kórýge bolady, ol úshin ony smartfonǵa júktep, tirkelý jetkilikti jáne ESQ qajet emes», dep túsindirdi G.Ysqaqova.
Qajet bolǵan jaǵdaıda, vaksınalanýdyń elektrondyq pasporty árqashan uıaly telefonda, ony júktep, basyp shyǵarýǵa da bolady. Shetel azamattaryna vaksına alý týraly tek medısınalyq anyqtama beriledi, óıtkeni olarda JSN joq.
G. Ysqaqovanyń aıtýynsha, almatylyqtar koronavırýsqa qarsy ekpe naýqanyna jaýapkershilikpen kelýde, ásirese aǵa býyn belsendi. Qazirdiń ózinde vaksınany 65 jastan asqan 31 myńnan astam azamat aldy, vaksınalanǵandardyń arasynda 90 jastaǵy adamdar tirkelgen. Medısına qyzmetkerleriniń aıtýynsha, aǵa býyn vaksınadan jeńil ótýde, janama áserler baıqalmady.
Sonymen qatar eldiń ár turǵyny vaksına túrin tańdaýǵa quqyly. Iаǵnı qazaqstandyq QazVaq pen reseılik «Spýtnık-V», sondaı-aq Qytaıda óndirilgen vaksınany ala alady.
Qorytyndylaı kele, G.Ysqaqova jalpy sanynyń 50% vaksınalaýdan ótken kásiporyndardyń qyzmetkerleri ádettegi jumys rejımi, ıaǵnı offlaın rejımine oralýy múmkin ekenin aıtty. Sonymen qatar qajet bolǵan jaǵdaıda vaksınanyń ekinshi komponentin burynǵy keste boıynsha 21 kúnnen keıin de alýǵa bolady. Ol úshin ekpe pýnktine habarlasyp, erikti túrde ótinish jazý qajet. Ázirge QR Bas memlekettik sanıtarlyq dárigeriniń qaýlysyna sáıkes ekinshi ekpe 45 kúnnen keıin alynady.
