Bul tek «jasyl araldar» ǵana emes, sonymen qatar tolyqqandy baqtar bolady. Otyrǵyzý jumystary «Ekologııalyq marafon» jobasy aıasynda júzege asyryldy.
Natalıa Lıvınskaıa qalada kóktemgi kóshetter otyrǵyzý naýqanynyń aıaqtalǵanyn habarlady. Osy kóktemde 50 myń kóshet otyrǵyzyldy. 2021 jyly barlyǵy 350 myń aǵash otyrǵyzylady. О́tken jyly 282 myń aǵash egilgen. N.Lıvınskaıanyń aıtýynsha, barlyq otyrǵyzylǵan aǵashtardy eki jyl boıy merdigerlik uıymdar sýarady.
Sonymen qatar, Rysqulov kóshesiniń bólý jolaǵynda kólik aıryǵynan Alǵabas yqsham aýdanyna deıin 650 qaraǵash otyrǵyzý josparlanǵan. Búgingi tańda 350 kóshet otyrǵyzylsa, 10 mamyrǵa deıin taǵy 300 kóshet egiledi.
N.Lıvınskaıa qalada gúlmen kógaldandyrý tásili qaıta qarastyrylǵanyn habarlady. Sonyń arqasynda Almaty qaıtadan baqsha qala degendi eske salatyn bolady.
«Biz birjyldyq ósimdikterdi otyrǵyzý tájirıbesinen bas tartyp, kópjyldyqtarǵa kóshýdemiz. Esentaı ózeniniń jaǵalaýyn boılaı bıyl biz kópjyldyqtar otyrǵyzdyq, olardy jańa tolqyn gúlderi dep te ataıdy. Olarǵa sondaı ataý berdik, óıtkeni olar maýsymnan kúzge deıin kezek-kezek gúldeıdi. Biz joldar men trotýarlardyń jıegine, sondaı-aq, Ál-Farabı men Seıfýllın dańǵyldaryna gúlder egip jatyrmyz», dedi ol.
Basqarma basshysy Natalıa Lıvınskaıa olardyń vedomstvosy «Jasyl aýla» aksııasyn aıaqtaǵanyn habarlady.
«Biz 150-den astam mekenjaıǵa baryp, almatylyqtarǵa 1500 japyraqty aǵash kóshetterin tarattyq. Kóshettermen birge qala turǵyndaryna otyrǵyzý jáne kútý erejeleri bar broshıýralar berildi, sonymen qatar olar kútim týraly kepildik mindettemelerge qol qoıdy», dep túsindirdi N.Lıvınskaıa.
Megapolıste aýqymdy kógaldandyrýmen qatar jándiktermen kúres júrip jatyr. 15 sáýirden bastap Almatyda jasyl jelekterdi hımııalyq jáne bıologııalyq ádispen óńdeý jumystary júrgizilýde. Bul zııankester men zeń aýrýlarynyń qozdyrǵyshtarynyń aldyn-alý.
«Ereksheligi – óńdeý túnde jáne tańerteń júzege asyrylady. О́ńdeýde Qazaqstan aýmaǵynda ruqsat etilgen hımııalyq preparattar paıdalanylady jáne olar adam ómiri úshin qaýipti emes. Búgingi tańda jumystar qalanyń barlyq 8 aýdanynda júrgizildi», dep túsindirdi Jasyl ekonomıka basqarmasynyń basshysy.
Brıfıng barysynda Natalıa Lıvınskaıa áleýmettik jelilerde qylqan japyraqty aǵashtardyń qatysty «ańyzdarǵa» túsinikteme berdi. Basqarma zerthanalyq zertteýlerdi bastady, ǵalymdar keptirilgen shyrshalardyń butaqtarynan taldaý aldy.
«Taldaý nátıjeleri qylqan japyraqty aǵashtarda saprofıtti zeń paıda bolǵanyn kórsetti. Men bul qaýipti zeń emes ekenin atap ótkim keledi, bul ósimdikterde kezdesetin qarapaıym mıkroorganızm. Bul eýropalyq sańyraýqulaqtar emes. Bıologtar atap ótkendeı, bul zeń aýrýynyń sebebi emes, saldary. Zeń aýrýy temperatýranyń kúrt ózgerýinen men kúnniń kúıdirýine baılanysty paıda boldy», deıdi N. Lıvınskaıa.
