5 mamyr kúni shamamen saǵat 13:40-ta N. Nazarbaev kóshesinde GAZ júk kóliginiń 32 jastaǵy júrgizýshisi rettelmeıtin jaıaý júrginshiler qıylysynda júrgizýshi jaqtan joldy kesip ótip bara jatqan birinshi synyp oqýshysyn soǵyp ketti.
Bala Oblystyq balalar aýrýhanasyna jetkizildi. Abyroı bolǵanda, balanyń densaýlyǵyna zııan kelmedi, ata-anasy qarsylyq bildirýden bas tartty. Polıseıler QR Ákimshilik quqyq buzýshylyq týraly kodeksiniń 600-baby (Jaıaý júrginshilerdiń nemese jol júrisiniń ózge de qatysýshylarynyń júrýine basymdyq bermeý) boıynsha materıal jınastyrdy, júrgizýshige aıyppul salyndy.
SQO Polısııa departamenti Jergilikti polısııa qyzmeti basqarmasynyń bastyǵy Aıdyn Baımatov balalardyń jol-kólik jaraqattanýynyń aldyn alý boıynsha jumystyń asa ózekti ekenin aıtty.
