Qazirgideı kúrdeli kezeńde Jambyl oblysynyń turǵyndary baǵa máselesine alańdaýly. Sebebi, jyl basynda óńirde kúndelikti turmysqa qajetti áleýmettik taýarlardyń baǵasy qymbattap ketken bolatyn. Deı turǵanmen, baǵany turaqtandyrý maqsatynda Taraz qalasynda jáne óńirdiń birqatar aýdandarynda áleýmettik dúkender ashyldy. Búginde olar el ıgiligine jumys istep keledi. О́ńirdegi saýda núktelerinde baǵa turaqtylyǵy basty nazarǵa alynǵan. Áleýmettik mańyzy bar taýarlardyń baǵasyn retteýge septigin tıgizip otyrǵan turaqtandyrý qory arqyly oblys turǵyndary arzan ónimmen qamtamasyz etilýde. Jalpy, turaqtandyrý qory arqyly jyl basynan beri 212,6 mıllıon teńgege 1442 tonna 11 túrli taýar ótkerilgen. Aldaǵy ýaqytta tutynýshylardyń suranysyn qanaǵattandyrý maqsatynda turaqtandyrý qoryna 2508 tonna taýar jınaqtalypty. Qordy qalyptastyrýda 1282 tonna un, 372 tonna qant, 51 tonna qaraqumyq, aınalym qarajaty sharty boıynsha 181 tonna kúnbaǵys maıy sııaqty suranysqa ıe taýarlar jetkizilgen. Búgingi tańda aımaqta qant 220 teńgeden, jumyrtqa 27, kúnbaǵys maıy 560, qaraqumyq 315 teńgeden satylýda. Olar arnaıy ashylǵan 25 áleýmettik dúken men 8 iri saýda ornyndaǵy áleýmettik sóreler arqyly ótkerilýde. Sonymen qatar, jańadan iske qosylǵan ekinshi tetik «aınalym shemasy» boıynsha 4 kásipkerlik sýbektisine 605,0 mıllıon teńge bólingen. Búginde jyldyq kólemi 2343 tonnany quraıtyn 14 áleýmettik taýarǵa naryqtan 8-15 paıyz tómendetilgen baǵalar bekitilip, oblystaǵy iri saýda jelileri arqyly satylýda.
Búginde oblysta barlyǵy 25 áleýmettik dúken men pavılondar jumys isteıdi. Onyń 15-i Taraz qalasynda bolsa, qalǵan 10 dúken óńirdiń aýdan ortalyqtarynda ornalasqan. Mundaı pavılondar halyqtyń áleýmettik osal toptary úshin arnaıy ashylǵan. Osy oraıda, alypsatarlyq faktilerine jol bermeý úshin bir adamǵa satylatyn taýarlardyń kólem-normasyn da belgileý qolǵa alynýda. Sondaı-aq, áleýmettik dúkenderge jaqyn mańda turatyn muqtaj otbasylardyń tizimderin jasaqtap, tómendetilgen baǵadaǵy ónimniń negizgi tutynýshylary retinde qalyptastyrý josparlanýda. Áleýmettik dúkender naryqtan 8-24 paıyz tómen baǵadaǵy barlyq áleýmettik mańyzy bar azyq-túliktermen qamtylǵan. Oǵan oblystaǵy «Molbıt», «BMK», «Qyzyl-Juldyz», «Kókjıek-2030», «Asa damý», «ÁýlıeAta-Fenıks», «Hlebnyı dar» jáne «Aksaraı Eksport» sııaqty taýar óndirýshilerdiń ónimderi tikeleı jetkizilýde. Sonymen qatar, qaraqumyq, kúrish, kúnbaǵys maıy Shyǵys Qazaqstan, Qyzylorda jáne Almaty oblystaryndaǵy óndirýshilerden satyp alynyp, Jambyl oblysynda tómendetilgen baǵamen satylyp jatyr.
