Taǵaıyndaý • 06 Mamyr, 2021

Almaty áýejaıynyń jańa prezıdenti taǵaıyndaldy

1 mın

oqý úshin

Mete Erkal Almaty halyqaralyq áýejaıynyń prezıdenti bolyp taǵaıyndaldy, dep habarlaıdy Egemen.kz TAV Airports baspasóz qyzmetine silteme jasap.

Gaýhar QAPASh

Almaty áýejaıynyń jańa prezıdenti taǵaıyndaldy

Buǵan deıin ol TAV Airports Holding-te operasııalardy úılestirý menedjeri jáne 2009 jyldan 2021 jylǵa deıin Grýzııa TAV bas menedjeri bolyp jumys istegen.

Habarlamada Mete Erkal 1993 jyly Ońtústik Illınoıs ýnıversıtetiniń qarjy fakýltetin bitirgeni aıtylǵan. Sent-Lýıste Blinder & Robinson Co kompanııasynda menedjment boıynsha tájirıbe jınaqtaǵan. Sonymen qatar Nıý-Iork pen Parıjde Turkish Airlines-te baǵyttar boıynsha menedjer bolyp jumys istegen.

1995 jyldan 1999 jylǵa deıin Mete Erkal Havaş Ground Handling jekeshelendirý kezinde jáne Swissport seriktestiginde satý jáne qyzmet kórsetý jónindegi bas dırektordyń orynbasary boldy. Keıinirek ol 1999 jyldan 2002 jylǵa deıin Chelebı áýe qyzmetterine kommersııalyq dırektor retinde qosylǵan.

Amerıkalyq Marketıng qaýymdastyǵynyń múshesi.

Buǵan deıin Almaty halyqaralyq áýejaıy TAV Airports túrik kompanııasynyń ıeligine ótkeni habarlanǵan bolatyn.