Qasym-Jomart Toqaev: Egemendiktiń qadir-qasıeti – jerdiń tutastyǵy men eldiń tynyshtyǵynda

Qazaqstan Prezıdenti Qasym-Jomart Toqaev jıynǵa qaty­sýshylardy Otan qorǵaýshy kúni­men jáne Jeńis meıramymen qut­t­yqtap, halqymyzdyń erlik dás­túrin tanytatyn qos mereke bıyl Táýelsizdigimizdiń 30 jyldyǵy aıasynda ótip jatqanyn aıtty.

– Egemendiktiń qadir-qa­sıeti – jerdiń tutastyǵy men eldiń tynyshtyǵynda. Osy asyl qun­dylyqtardy Qarýly Kúshteri­miz qas qaqpaı kúzetip tur. Táýel­siz­dik jyldarynda Tuńǵysh Prezı­dentimiz, Elbasy Nursultan Ábish­uly Nazarbaevtyń arqasynda memleketimizdiń myqty qorǵanys júıesin qalyptastyrdyq. Áske­ri-
mizdiń bes qarýyn saıladyq. Sar­baz­darymyzdyń jaýyngerlik rýhyn kóterip, kásibı mashyǵyn shyń­dadyq. Búginde armııamyz – el­di­gimizdiń berik qalqany, Táýel­siz­digimizdiń myzǵymas tu­ǵyry, – dedi Prezıdent.

Qasym-Jomart Toqaev Qazaq­stannyń beıbitshilik pen turaq­tylyqty qalaıtyn memleket ekenin, biraq ulttyq múddege nuq­san keltiretin kez kelgen áreketke toıtarys bere alatynymyzdy aıta kelip, sońǵy ýaqytta jer jú­zinde túrli qaqtyǵystar kóbeıip ket­kenin jetkizdi.

– Sarapshylar alpaýyt mem­le­ketter arasyndaǵy tartys­tardy qyrǵı-qabaq soǵys kezeńindegi ahýalmen teńestirýde. TMD aýmaǵynda, tipti irgeles kórshi elderde janjaldar paıda bo­lyp jatyr. Eski daýlarǵa qazirgi túıt­kilder qosylyp, jaǵdaı kúrdelene tústi. Bul – bárimizdi alańdatyp otyrǵan másele. Sondyqtan arqa­ny keńge salmaı, ulttyq qor­ǵanys isinde temirdeı tártip saq­taýymyz kerek. Bizdiń áskerimiz jáne barlyq Kúshtik qurylymdar syrttan kelgen qaýip-qaterge toıtarys berýge árdaıym saqadaı-saı daıyn bolýǵa tıis.

Qazaqta «El – erlerimen eńseli» degen qanatty sóz bar. Biz – tutas tarıhy, qaharmandyq dástúri qalyptasqan jurtpyz. Batyr babalarymyz osynaý keń-baıtaq jer úshin shaıqasyp, urpaǵyna mıras etip qaldyrdy. Al keshegi atalarymyz ben ákelerimiz sura­pyl soǵysta jeńiske jetti. Biz ótkennen taǵylym alamyz. Otan úshin, el men jer úshin janyn pıda etken bozdaqtardyń rýhyna taǵzym etemiz.

Týǵan jerdiń shebin kúze­tip, tutastyqty saqtaý – árbir aza­mat­tyń qasterli paryzy. Elimizdiń ty­nyshtyǵyn qorǵap, qaýipsizdigin qamtamasyz etý – qasıetti borysh, joǵary jaýapkershilik.

Halqymyz bereke-birliktiń, tatýlyq pen turaqtylyqtyń arqa­synda alańsyz ǵumyr keshýde. Shyn máninde, osy beıbit ómirdiń ózinde batyrlyq pen erlikke oryn bar. Erlik ýaqyt talǵamaıdy, sebe­bi bul qasıet Otanshyldyqtan bas­taý alady, – dedi Memleket bas­shysy.

Prezıdenttiń aıtýynsha, búkil adamzatqa koronavırýs derti qater tóndirip turǵan qazir­gi ýa­qytta indetti toqtatýǵa áske­rı qyzmetshiler men kúsh­tik qury­lymdar bir kisideı ju­myl­dy. Sonyń arqasynda ahýal aıtarlyq­taı turaqtandy.

Prezıdent armııa men Kúshtik qurylymdar elimizdiń egemendigi men ulttyq qaýipsizdiktiń bas­ty kepili sanalatynyn aıtty. Ja­handyq ózgerister men geo­stra­tegııalyq turaqsyzdyq jaǵ­daıynda álemde áskerı qyzmet­shilerdiń róli birneshe ese arta túsedi. Búginde Qazaqstandy ózge jurttar óńirlik jáne halyqaralyq turaqtylyqtyń uıytqysy retinde moıyndaıdy. Áskerı qyzmetshiler BUU-nyń bitimgershilik mıssııasy aıasynda ózderine júktelgen mindetti tabysty atqarýda. Al ulttyq qaýipsizdik organdarynyń qyzmetkerleri «Jýsan» arnaıy operasııasyn minsiz oryndady. Polısııa men prokýratýranyń qyz­meti kezeń-kezeńimen jetildirilip keledi.

– Meniń tapsyrmam boıynsha quqyq qorǵaý júıesin reformalaý jumystary bastaldy. Onyń tıimdi júzege asyrylýy halyqtyń bılik ınstıtýtyna degen senimin edáýir arttyryp, qoǵamdaǵy quqyq­tyq tártip pen áleýmettik ádil­dikti nyǵaıtýǵa septigin tıgi­zedi. Elimizdiń qorǵanys qabi­letin kúsheıtý úshin memleket ás­kerı daıyndyq pen Qarýly Kúsh­terdi jabdyqtaýǵa basa mán beredi. Áskerı qyzmetshilerdiń, quqyq qorǵaý organdary qyzmetker­leriniń jalaqysy ósip, áleýmettik tur­ǵydan qorǵalýy birtindep jaqsa­ryp keledi. Áskerı qyzmet­shilerge jan-jaqty qoldaý kórsetý memlekettiń aıryqsha nazarynda bolady, – dedi Memleket basshysy.

Qasym-Jomart Toqaev eli­mizde óz ómirin Otan qorǵaýǵa arnaǵan kásibı mamandar az emes ekenin erekshe atap ótip, búgingi marapat pen alǵysty barsha áskerı qyzmetshilerge, Kúshtik qurylym qyzmetkerlerine kórsetilgen shynaıy qurmet dep baǵalady.

– Sizderdiń otanshyldyq rýh­taryńyz, eń aldymen, jas urpaq úshin jaqsy úlgi-ónege. Olar sizder­ge qarap boı túzeıdi. Sizder eren eńbek pen naǵyz erlikti pash etip kelesizder. Joǵary memle­kettik marapattar Otan aldyndaǵy qyzmetterińizge jańa jiger beredi dep senemin, – dedi Prezıdent.

Memleket basshysy barlyq áskerı qyzmetshiler men quqyq qorǵaý organdary qyzmetkerlerine Otan aldyndaǵy adal qyzmeti úshin alǵys aıtty.

Saltanatty rásim barysyn­da Marat Qusaıynovqa, Rýslan Shpek­baevqa general-leıte­nant áskerı ataǵy; Aıdar Aımur­zınge, Rústem Aqbalınge, Nurlan Al­dııa­rovqa, Almaz Ahmadıevke, Se­rik Borambaevqa, Mereke Kúshik­baevqa, Qýanyshbek Úshtaevqa general-maıor áskerı ataǵy; Aıbar Dýanbaevqa, Shyńǵys Qońqashevqa, Rýslan Seısembaevqa ulttyq qaýipsizdik general-maıory arnaý­ly ataǵy; Murat Baımuqashevqa, Ońal Bekıevke, Aqynqalı Dár­menovke, Arystanǵanı Zapparov­qa, Nurlan Másimovke, Marat Tóle­­baevqa polısııa general-maıo­ry arnaýly ataǵy; Janat Eshma­­ǵam­­betovke ádilet general-maıo­ry arnaýly ataǵy; Qaırat Áb­di­hanovqa, Jarqynbek Baqash­baev­qa, Maqsat Qojabaevqa, Serik Shala­baevqa 3-synypty mem­leket­tik ádilet keńesshisi synyp­tyq sheni; Nurlan Shabdarǵa 3-sanatty joǵary biliktilik synyby berildi.

Sýretterdi túsirgender A.Dúısenbaev, Ǵ.О́mirbekov

Sonymen qatar is-shara barysynda I dárejeli «Dańq» ordenimen Memlekettik kúzet qyzmeti basty­ǵynyń orynbasary Talǵat Muh­tarov; II dárejeli «Dańq» orde­nimen Ulttyq qaýipsizdik ko­mıteti Qaraǵandy oblysy bo­ıynsha departamentiniń bastyǵy Kendebaı Adambekov, Sybaılas jem­qorlyqqa qarsy is-qımyl agent­tigi tóraǵasynyń birinshi orynbasary Oljas Bektenov, Ulttyq ulan «Batys» óńirlik qolbasshylyǵynyń qolbasshysy Arman Jumaǵalıev nagradtaldy.

Budan bólek I dárejeli «Aı­byn» ordeni Ulttyq qaýipsizdik komıteti departament bastyǵynyń orynbasary Ádiljan Alshynovqa, Qazaqstan Respýblıkasy Qarýly Kúshteri Bas shtaby Injenerlik áskerler departamentiniń bastyǵy Nurlan Qonysovqa; II dárejeli «Aı­byn» ordeni Ishki ister mınıs­tr­ligi Shyǵys Qazaqstan obly­sy­nyń Polısııa departamenti О́s­­­kemen qalasynyń polısııa bas­­qarmasy patrýldik polısııa ba­ta­lonynyń ınspektory Nur­­­jan Kákeevke, Bas prokýra­týra­­nyń departament bastyǵy Serik Káripbekovke, Qarjy­lyq monı­­torıng agenttigi Tergeý de­par­tamentiniń basshysy Saıat Saý­kom­bekovke, Tótenshe jaǵ­daılar mınıstrligi О́rtke qarsy qyz­met komıteti tóraǵasynyń oryn­­basary Marat Hasenovke; III dá­rejeli «Aıbyn» ordeni Mem­­lekettik kúzet qyzmetiniń Aı­­ryqsha maqsattaǵy kúshteri «Ba­­tyr» prezıdenttik polkiniń ma­many Evgenıı Pıvenge tabystaldy.

Al Ishki ister mınıstrligi Jam­byl oblysynyń polısııa de­­­par­tamenti Jergilikti polısııa qyz­­meti basqarmasynyń aǵa ıns­­pek­­tory Dılıafrýz Kınje­ha­nova «Qur­met» ordenimen mara­pat­taldy.

Ishki ister mınıstrliginiń Kó­liktegi polısııa departamenti Qyzyl­orda stansasyndaǵy jeli­lik polısııa bóliminiń aǵa ınspektory Darhan Ábdikárimov, Tótenshe jaǵdaılar mınıstrligi Qostanaı oblysy Tótenshe jaǵdaılar depar­­tamenti О́rt sóndirý jáne ava­rııalyq-qutqarý jumystary qyz­meti №5 órt sóndirý bóliminiń bó­limshe komandıri Vladımır Belıakov, Tótenshe jaǵdaılar mınıs­trligi Nur-Sultan qalasy Tóten­she jaǵdaılar departamenti О́rt sóndirý jáne avarııalyq-qutqa­rý jumystary qyzmeti №6 mamandandyrylǵan órt sóndirý bóliminiń aǵa órt sóndi­rýshi-qutqarýshysy Aıdarhan Kema­ladınov, Ishki ister mınıstrligi Almaty oblysynyń Polısııa departamenti Taldyqorǵan qala­synyń polısııa basqarmasy patrýldik polısııa rotasynyń ınspektory Dáýren Nárikbaev, Ishki ister mınıstrliginiń Batys Qazaqstan oblysy boıynsha Qyl­mystyq-atqarý júıesi depar­tamenti RÝ-170/1 mekemesiniń ba­qy­laýshysy Abylaı Tóleev «Er­ligi úshin» medalimen nagradtaldy.

«Jaýyngerlik erligi úshin» medali Qorǵanys mınıstrliginiń 18404 áskerı bólimi desanttyq-shabýyldaýshy batalonynyń koman­dıri Jasulan Baıbaraqovqa, Qor­ǵanys mınıstrligi 15632 áskerı bóliminiń komandıri Janat Bek­turǵanovqa, Qazaqstan Respýb­lıkasy Qarýly Kúshteri Bas shta­bynyń departament basty­ǵy Elnur Bısembaevqa, Qorǵa­nys mınıstrligi 14776 áskerı bó­liminiń aǵa ofıseri Maksım Dob­roselskııge, Qorǵanys mınıstr­liginiń 21450 áskerı bólimi moto­atqyshtar batalony rotasynyń tehnıgi – aǵa mehanıgi-júrgizýshisi Nurjan Jarııaqulǵa, Qorǵanys mınıstrliginiń 21814 áskerı bólimi zymyran-artıllerııalyq kemesiniń (3-dárejeli) komandıri Baýyrǵalı Imashevqa, Qazaqstan Respýblıkasy Qarýly Kúshteri Áýe qorǵanys kúshteri qolbasshysynyń basqarmasy jaýyngerlik daıarlyq basqarmasynyń aǵa ınspektory-ushqyshy – baǵyt aǵa ofıseri Erlan Qoz­ǵulovqa, Ulttyq qaýipsizdik ko­­mı­tetiniń basqarma bastyǵy Shy­­­nar­kúl Seıdahmetovaǵa be­ril­di.