Aıtýly jıynda Bilim jáne ǵylym mınıstrliginiń Mektepke deıingi jáne orta bilim berý komıtetiniń tóraıymy Maıra Meldebekova, «Bóbek» ortalyǵynyń bas dırektory Elena Sákenova, Qazaqstannyń eńbek sińirgen qyzmetkeri, UǴA akademıgi, Qazaq taǵamtaný akademııasynyń prezıdenti Tóregeldi Sharmanov, «AÚDUI» KeAQ prezıdentiniń mindetin atqraýshy Irına Kalacheva jáne «О́zin-ózi taný» oqý-saýyqtyrý kesheniniń dırektory Maqpal Adenova sóıledi.
Elena Sákenova ózin-ózi taný erte jastan bastalyp, ómir boıy jalǵasatyn úzdiksiz izdenis ekenin aıtty. Ár balaǵa baǵa jetpes qazyna – bilim berýge degen shynaıy yqylas «ózin ózi taný» baǵdarlamasyn júzege asyrýǵa yqpal etti. О́ıtkeni adam ózin, óz múmkindikterin bilmeıinshe taǵdyrdyń qolynda oıynshyq bolady. Sondaı-aq, balalyq shaqty qoldaý maqsatynda Sara Nazarbaeva 1992 jyly «Bóbek» qaıyrymdylyq qoryn qurdy, onyń qyzmeti az qamtylǵan jáne kóp balaly otbasylarǵa, jetim balalarǵa qoldaý kórsetýge baǵyttalǵany aıtyldy.
«О́zin-ózi taný» oqý-saýyqtyrý kesheni elimizdiń barlyq óńirinen kelgen balalardy saýyqtyrý, fızıkalyq jáne rýhanı densaýlyǵyn qoldaý jáne saqtaý boıynsha memlekettik baǵdarlamany júzege asyratyny týraly Maqpal Adenova aıtyp berdi. 22 kúnge sozylatyn saýyqtyrý aýysymdary 110 balany qamtıdy, bir jyl ishinde 1 320 bala saýyqtyrylady. 1997 jyldan bastap «Bóbek» UǴPBBSO-da 40 myń bala óz densaýlyǵyn nyǵaıtty.
Semınar barysynda fılologııa ǵylymdarynyń kandıdaty, Máskeý qalasyndaǵy Ońaltý jáne bilim berý ortalyǵynyń dırektory S.Voıtas, S.Asfendııarov atyndaǵy QazUMÝ Qoǵamdyq densaýlyq kafedrasynyń professory Q.Toǵyzbaeva, joǵary sanatty balalar nevrology, Balalardy ońaltý ulttyq ortalyǵynyń dırektory Sh.Búlekbaeva, «Baldáýren respýblıkalyq oqý-saýyqtyrý ortalyǵy» RMQK bas dırektory S.Álibaev, «Aıkýne» qazaq gımnastıkasynyń avtory, ónertapqysh, halyq medısınasynyń magıstri A.Baımaǵambetov jáne taǵy basqa mamandar óz baıandamalaryn ortaǵa saldy.
ALMATY
