Pırneı túbeginde ótken oıynda qos komanda 1:1 esebimen teń tarasqan bolatyn. Qarymta matchtyń birinshi taımynda alma-kezek shabýyldar uıymdastyrylyp, solardyń biri nátıjeli aıaqtaldy. Kezdesýdiń 28-mınýtynda Ngolo Kanteniń pasynan keıin Kaı Haverts dopty Tıbo Kýrtýadan asyrǵan edi, ol mańdaıshaǵa tıip keri qaıtty. Sol mezette alǵyrlyq tanytqan Tımo Verner dopty torda týlatty – 1:0. Sodan keıin de londondyqtar qarqynyn báseńdetken joq. Qarsylastaryna qaraǵanda aǵylshyndardyń shabýyldary áldeqaıda ótkir boldy. Al koroldik klýbtyń oıynshylary jıi qatelikke urynyp, bilgenderinen jańyldy. Ekinshi taımda alań ıeleriniń basymdyǵymen ótti. 85-mınýtta qonaqtardyń qateligin paıdalanǵan Ngolo Konte dopty alǵan bette alǵa eki-úsh qadam jasady da Krıstıan Pýlıshıchke pas berdi. Ol óz kezginde Meıson Maýntty tapty. Ol múlt ketken joq – 2:0.
Sóıtip, Chempıondar lıgasynyń fınaldyq saıysynda Anglııanyń qos komandasy kúsh synasady. Kórermender 29 mamyr kúni «Manchester Sıtı» men «Chelsı» arasyndaǵy matchty tamashalaıdy. Bul kezdesý Ystanbuldaǵy Olımpıadalyq stadıonda ótedi.
