Jarystyń alǵashqy kúni erkin kúres sheberleri boz kilemge shyqty.
Qazaqstan qurama komandasy músheleri arasynda tek 86 kılo salmaq dárejesinde ǵana joldama joq edi. Sofııada sol jalǵyz lısenzııa úshin Azamat Dáýletbekov talasty. Sáýir aıynda Almatyda ótken týrnırde dál osy balýanǵa senim artylǵany esimizde. О́kinishke qaraı, ol jarysta qandasymyz jergilikti jankúıerlerdiń úmitin aqtaı almady. Sodan bapkerler oılana-tolǵana kele Dáýletbekovke taǵy bir múmkindik berýdi qup kórdi.
Bolgarııadaǵy týrnırdiń bastapqy básekelerinde Azamat venesýelalyq Pedro Seballos Fýenta (10:0) men germanııalyq Ahmed Dýdarovtan (6:5) basym tústi. Shırek fınalda qazaq sportshysy ázirbaıjandyq Ábýbakr Abakarovpen aıqasty. Bul beldesý 2:2 esebimen teń aıaqtaldy. Alaıda jasalǵan ádistiń sapasyna baılanysty jeńis Qap taýy qyranynyń enshisine jazyldy. Osylaısha,Azamat Dáýletbekov Tokıo Olımpıadasynda baq synaıtyn balýandardyń tizimine qosyla almady.
