Syrtqy ister mınıstrliginiń aıtýynsha, Grýzııanyń quqyq qorǵaý organdary Elshilikke bergen aqparatqa sáıkes, osy jylǵy 5 mamyrda Tbılısı qalasyndaǵy bir úıdiń terezeleriniń astynan Qazaqstan azamatynyń denesi tabylǵan.
«Aldyn ala málimet boıynsha, atalǵan qyz 9 qabattan qulap mert bolǵan. Grýzııanyń polısııasy ózin-ózi óltirý haline jetkizý degen kúdikpen qylmystyq is qozǵady. Polısııa kúdiktini qamaýǵa aldy. Basqa aqparat tergeý múddeleri úshin jarııa etilmeıdi», delingen habarlamada.
Sondaı-aq, resmı málimdemede Grýzııadaǵy Qazaqstan Elshiliginiń konsýly marqumnyń otbasymen únemi baılanysta ekeni de aıtylǵan.
SIM baspasóz qyzmetiniń málimetinshe, bul is Elshiliktiń erekshe baqylaýyna alyndy. Qazaqtannyń Syrtqy ister mınıstrligi QR azamatynyń denesin otanǵa jetkizýdi uıymdastyrýda jan-jaqty kómek kórsetýde.
