Oblystyq isker áıelder keńesiniń tóraıymy Gúljan Muhataevanyń aıtýynsha, keńes músheleri qalany kógaldandyrýǵa úles qosýdy kózdepti. Olardyń bastamasyna oblystyq ákimdik qoldaý bildirgen. Keńes músheleri áýejaıǵa jaqyn ornalasqan kóshege shaǵan kóshetterin ekti.
«Tal egý – ejelden kele jatqan ıgi amaldyń biri. «Bir tal kesseń, on tal ek» degendeı, qalamyzdyń tazalyǵy úshin árqaısymyz qoldan kelgenshe úles qosaıyq», dedi oblys ákiminiń orynbasary Baqytgúl Qaıyrjanqyzy.
Keńes músheleri alda taǵy da birneshe kóshege kóshet egýdi josparlap otyr.
