Áıelder kúresinen bizdiń sportshylar buǵan deıin úsh lısenzııaǵa ıelik etken edi. Ol joldamalardy Valentına Islamova (50 kılo), Tatıana Ahmetov (53 kılo) jáne Elmıra Syzdyqova (76 kılo) enshilegen edi. Sońǵy synaqta Altynaı Satylǵan (57 kılo), Aına Temirtasova (62 kılo) jáne Jamılıa Baqbergenova (68 kılo) saıysqa tústi. Biraq úsheýiniń de joly bolmady.
Altynaı tusaýkeser kezdesýinde shvesııalyq Ionna Lıonborgtan taza utyldy. Aına polshalyq Aleksandra Voljınskaǵa esh qarsylyq kórsete almady. Al Jamılıa jartylaı fınalǵa deıin jetti. Bastapqy básekelerde belarýssııalyq Anastasııa Zımıankova pen ıtalııalyq Dalma Kanevany qapy qaldyrǵan qazaq qyzy sheshýshi tusta ázirbaıjandyq Elıs Manolovaǵa eki upaı aıyrmashylyǵymen jeńildi.
