Vedomstvo bastyǵy, general-maıor Marat Tólebaev Grıgorıı Krasılnıkovti kele jatqan jarqyn mereke – Jeńis kúnimen quttyqtady. Maıdangerge Ishki ister mınıstri, polısııa general-leıtenanty Erlan Turǵymbaevtyń quttyqtaý jedelhaty tabystaldy, sondaı-aq oǵan túrli syılyqtar berildi.
Mamyrdyń osynaý shýaqty kúninde aýlaǵa balalaryn erte kelgen kórshilerge de toldy. Olar polıseılerdi qoshemettep qarsy alyp, otty jyldarda aıtylǵan "Týchı v golýbom", "Zdes ptısy ne poıýt", "Smýglıanka", "Den Pobedy" sııaqty ánderdi tyńdady. Búldirshinderge osydan týra bir ǵasyr buryn, 1921 jyly týǵan ishki ister organdarynyń ardagerin kórý, onymen áńgimelesý baqyty buıyrdy.
Gvardııa aǵa serjanty G.Krasılnıkov úıine1945 jyldyń qarasha aıynda oralǵan. KSRO IIM Sverdlovsk mektebin bitirgennen keıin Soltústik Qazaqstan oblysyna jiberiledi. Shırek ǵasyrómirin ol qylmystyq-atqarý júıesindegi jedelqyzmetke arnaǵan.
Jalpy, SQO ishki ister organdarynda 700-den astam maıdanger eńbek etken. Uly Jeńistiń 76 jyldyǵyn olardyń tek ekeýi - Grıgorıı Krasılnıkov pen Nıkıta Semenov qarsy alýda. 10 mamyr kúni polısııa general-maıory Marat Tólebaev Nıkıta Gerasımovıchke de baryp, 101-shi týǵan kúnimen quttyqtaıdy.
Soltústik Qazaqstan oblysy
