Atyraý oblystyq «Jas Ulan» biryńǵaı balalar men jasóspirimder uıymynyń atqarýshy dırektory Aıymgúl Qosalıevanyń aıtýynsha, aksııaǵa belsendi oqýshylar men Qazaqstan halqy Assambleıasy «Jańǵyrý joly» jastar qozǵalysynyń volonterlary qatysty.
«Bul joba birneshe maqsatty kózdeıdi. Birinshiden, jas býynnyń tabıǵatqa janashyrlyǵyn oıatý. Ekinshiden, qalany kógaldandyrýǵa úles qosý. Úshinshiden, ózimiz aýasyn jutyp, sýyn iship otyrǵan qorshaǵan ortanyń tazalyǵyn saqtaý. Mine, osyndaı mańyzdy maqsattardy iske asyrý úshin Dostyq úıi janyndaǵy saıabaqty tańdap aldyq», deıdi Aıymgúl Qosalıeva.
