Indetpen kúreste ilgerileý bar

Bul týrasynda jáne óńirdegi epıdemııalyq jaǵdaıdyń jalpy sıpaty jaıynda ótken ap­tada jergilikti kommýnıka­sııalar qyzmeti alańynda ob­lystyq densaýlyq saqtaý bas­qarmasynyń basshysy Gamal Toqsambaev málim etti.

О́ńirdegi bas dárigerdiń aıtýynsha, Qaraǵandy oblysynda ekpe saldyrý isi ekpindi túr­­de júrgizilip keledi. Naq­ty­raq aıtqanda, ótken ap­ta­daǵy málimet boıynsha oblys­ta 123 671 adam jaman tu­maý­ǵa qarsy vaksınanyń alǵash­qy komponentin alǵan. Al óńir­diń 21 904 turǵynyna ekinshi komponent egilipti. De­genmen osy sharalarǵa qara­mastan, Qaraǵandy oblysy bu­ryn­ǵy­synsha «qyzyl aımaq» sheń­ge­linen shyǵa almaı otyr.

Oblystyń bas dárigeri óńir­de 288 mobıldi brıgadanyń qyzmetkerleri pasıentterdiń jaǵdaıyn baqylaýmen birge alǵashqy medısınalyq-sa­nı­tarlyq kómek kórsetip júr­genin de atap ótti. Máselen, úı oshaqtarynda ınfeksııa ta­ralýynyń aldyn alý úshin bar­lyq juqtyrǵan pasıentter táýlik boıy baqylaýǵa aly­nady. Olardyń arasynda asımp­tomatıkalyq jáne aýrýdyń je­ńil aǵymy bar adamdar da bar.

Gamal Toqsambaev búginde oblysta 4 819 tósektik oryn­­nyń konservasııalanǵanyn atap ót­ti. Al jansaqtaý bólimshelerin­de jatqandardyń kóbisiniń jasy 65-ten asqandar eken. Qazirgi ýaqytta olardyń sany 72 adamǵa jetken. Oblystyń bas dárigeri bú­gin­de alǵashqy medısınalyq-sanıtarlyq kómek kórsetetin uıymdar qyzmetiniń kúsheıgenin aıtty.

– PTR-test ınfeksııa juq­tyrǵanyn anyqtap, úıinde karantın jaǵdaıynda otyrǵan pa­sıentter bizdiń mamandardyń jiti baqylaýynda. Olardyń jaǵ­daıy aýyrlamas úshin al­dyn ala emdeý sharalary taǵa­ıyn-
­­dalady. Bul sharýany iske asy­­rý úshin 208 mobıldi brıga­da jumys istep júr. Jalpy, epı­demııalyq jaǵdaı aýyrlap keter bolsa, onyń aldyn alý maq­satyndaǵy jumystar jan-jaqty qarastyrylǵan. Mysa­ly, oblysta dári-dármektiń úsh ­aıǵa jetetin qory bar, – dep málim­dedi G.Toqsambaev.

Eske sala ketsek, oblysta vaksınalaý naýqany bıylǵy 1 aq­pannan bastalǵan bolatyn. Qazirgi tańda óńirdegi barlyq qalalar men aýdandarda 115 ımmýndaý kabıneti jumys is­teıdi. Jumys kúnderi 8 iri saýda or­talyǵynda egý kabınetteri ashylǵanyn da aıta ketý kerek.

Brıfıng barysynda ob­lys­tyń bas dárigeri óńir tur­ǵyndarynyń Qaraǵandy qa­la­syndaǵy farmasevtıka­lyq za­ýytta reseılik tehnolo­gııa bo­­ıynsha óndiriletin Spýtnık V­ jáne otandyq QazVac ek­pe­sin alyp jatqanyn atap ótti. Sonymen birge ol ob­lysqa Qy­taıdyń Sinopharm vak­sına­synyń jetkizilgenin de málim etti.

QARAǴANDY