Lobýche shyńyn baǵyndyrdy

Sonaý alystaǵy sııaqty 2019 jyly Ama-Dablam (6814 metr) bıiktigin baǵyn­dyr­ǵannan keıin ómir kúrt ózgerdi. Alpınızm de taýlar da ózgerip, «Kúrdelilik sana­tyndaǵy» túsinikterdiń sheka­rasy joıyldy. Buryn men taýlarǵa ózim úshin, óz boıym­daǵy álsiz tustardy taýyp, sony jeńý úshin baratyn edim.

Qazir batyp bara jatqan kúnge, quzdy shyńdarǵa qarap otyryp, ón boıymdy bir alǵys sezimi men syılastyq bıleıtinin túsindim. Bizdiń jan dúnıemizde álem týady jáne qaıta jańǵyrady. Biz tiri bolǵan kezde bizdi qor­shaǵan álem de tiri. Jáne munyń bárin ózińmen óziń qaı­shylyqta jáne baǵynǵan shyńdar basynda túsinesiń.

Qazaqstan Táýelsizdigine 30 jyl – az ba, kóp pe? Za­manaýı órkenıetpen sa­lys­tyrsańyz az, biraq onyń qan­shalyqty kóp ekendigin ár­kim ózi sheshedi. Qarap otyr­­sam, Qazaqstannyń alpınızm bo­ıyn­sha qurama koman­dasynyń barlyq jeńisi Qazaqstan táýelsizdiginiń mereıtoılarymen oraılasypty. Alaıda basqa da aıtýly data men sebep jetkilikti bolatyn. Biraq dál táýelsizdik bizdiń ómirimizdiń maǵynasy jáne bizdiń qoǵamymyzdyń biregeıligi. Taǵy bir bıiktik artta qaldy, alda Otanǵa aparar jol kútip tur. Qazir Ne­paldaǵy epıdemııalyq ahýal­dyń turaqtanyp, halyqaralyq áýe reısteri qalpyna keleti­nine úmit artamyn. Osy jolda maǵan tilektes bolǵan barsha­ńyzǵa alǵysym sheksiz!», dep jazady Lobýche sııaqty álem­niń eń quzar shyńdaryn ba­ǵyndyrǵan jerlesimiz Maqsut Jumaev sonaý Úndistannan.

Oraıy kelip turǵanda, Katmandý – alpınısterdiń Mekkesi ekendigin aıta ke­telik. Osylaısha, qazaq al­pı­nısi Maqsut Jumaev Tá­ýelsizdiktiń 30 jyldyǵyna oraı, Qazaqstan týyn Gımalaı al­tylyǵynda – Lobýcheniń oń­tústik shyńyna alyp shyq­ty.

Tanymal sportshy Kat­­mandýǵa qaıtqannan keıin qa­zaq­standyq BAQ ókil­de­rimen baı­lanysqa shyqty. Onyń sózinshe, Nepalda epıdemııa­lyq jaǵdaıǵa baılanysty lokdaýn jarııalanǵan. Maq­sut Jumaev áýe bıletterin qaıtarýǵa májbúr bolǵan, en­­di karantınniń jeńildeýin kú­tip otyr. Alaıda alpınıst óz mıs­sııasyn taǵy da abyroımen atqardy.

«9 mamyrda 11.30-da 6119 metr bıiktiktegi Lobýche shy­ńyn baǵyndyrdyq. Tún­gi 03.00 shamasynda shyq­tyq, aýa raıy jaqsy boldy. Aınalamyzdaǵy segizmyńdyqtar anyq kórinip turdy. Biraq saǵat tańǵy 09.00 shamasynda aýa raıy buzylyp ketti, qar jaýyp, kórý 50 metr­­ge deıin nasharlady. Qar jaý­ǵanyna qaramastan toq­tamadyq, tek qadamdy báseń­dettik. Tobymyz asyqpaı shyń­­­ǵa jetti»,  dep habarlaı­dy Jumaev.

Sportshy shyńda uzaq ýaqyt turmaǵan. Shamasy kel­genshe ózine amanattalǵan tý­larmen sýretke túsip, qut­tyqtaý vıdeosyn túsirgen. Shyń basynda kóp kidirmeı, qaıtý kerek bolǵan.

Qazaqstannyń Táýelsiz­di­gine 30 jyl tol­ǵanyn dú­nıe jú­zine tany­týdy kóz­­­dep bar­ǵan qazaq­stan­dyq sportshy qazir Kat­man­dý­da. Jumaev mıssııa­syn oryn­daǵannan keıin Qazaq­stanǵa tezirek oral­ǵysy ke­letinin aıtady.

ALMATY